Լրահոս

«Ցանկացած օգնություն կարող է անհրաժեշտ լինել իմ հայրենիքին»․ Լևոն Արոնյան




Շախմատի Հայաստանի ազգային հավաքականի առաջատար Լեւոն Արոնյանը երկրորդ գրառումն է կատարել Արցախա-ադրբեջանական սահմանագծին սկսված ռազմական գործողությունների վերաբերյալ:

«Հարգելի ընկերներ, հավանաբար գիտեք, որ Հայաստանը և Լեռնային Ղարաբաղը հարձակման են ենթարկվում Թուրքիայի և Ադրբեջանի կողմից: Իմ ընկերներից շատերը պատրաստվում են պաշտպանել մեր սահմանները և կանգնել զինված ուժերին կողքին՝ մեր ժողովրդին և մեր հայրենիքը պաշտպանելու համար:

Ցանկացած օգնություն այժմ կարող է անհրաժեշտ լինել իմ հայրենիքին: Ես խնդրում եմ միանալ մեր արշավին և աջակցել մեր ժողովրդին ՝ նվիրատվություն կատարելով ստորև նշված հաշվեհամարներին:

Ի սրտե շնորհակալություն»,- գրել է Արոնյանը:

Հիշեցնենք, որ սեպտեմբերի 27-ին՝ ժամը 07:15-ի սահմաններում, Ադրբեջանի բանակը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական հակամարտ զորքերի շփման գծի ամբողջ երկայնքով՝ թիրախավորելով նաեւ խորը թիկունքում տեղակայված բնակավայրերը, այդ թվում՝ մայրաքաղաք Ստեփանակերտը:

Հաշվեհամարները՝ Լևոն Արոնյանի գրառման մեջ: