«Արմանը պատերազմի առաջին իսկ օրվանից սահմանին է կանգնած, Վարշամը կամավոր է գրվել, մեկնում է Արցախ». Նարինե Գրիգորյան
Երեւանի Սոս Սարգսյանի անվան պետական Համազգային թատրոնի գեղարվեստական ղեկավար Նարինե Գրիգորյանը հայտնել է, որ թատրոնի դերասան Արման Նավասարդյանն առաջին իսկ օրվանից սահմանին է կանգնած։ Իսկ Վարշամ Գեւորգյանը կամավոր է գրվել։
«Իմ խաղընկերնե՜րը...
Արմանը պատերազմի առաջին իսկ օրվանից սահմանին է կանգնած, Վարշամը կամավոր է գրվել, մեկնում է Արցախ։
«Իմ սո՜ւրբ հայրենիք,
Դու սրտիս մեջ ես,
Դու սրտիս մեջ ես,
Ոչ լեզվիս վրա...»
Այսպես է ծնվում ճշմարիտ արվեստը` սրտից: Հպարտանո՜ւմ եմ։
Շուտ հաղթեք ու վերադարձեք, արվեստում նոր հորիզոններ ունենք գրավելու»,- գրել է նա։
