ՀՀ ԱԳՆ. Անհասկանալի է, թե ինչ էին մտածում Բաքվում` զինյալներին Ղարաբաղի հակամարտության մեջ ներգրավելիս - Home - EXCLUSIVElife.am: Armenian Celebrities, Events, Fashion, Presentations & Photoshoot

Լրահոս

ՀՀ ԱԳՆ. Անհասկանալի է, թե ինչ էին մտածում Բաքվում` զինյալներին Ղարաբաղի հակամարտության մեջ ներգրավելիս


 

Անհասկանալի է, թե ինչ էին մտածում Բաքվում զինյալներին Ղարաբաղի հակամարտության մեջ ներգրավելիս, քանի որ դրանք վտանգ են ներկայացնում ոչ միայն տարածաշրջանի համար: Այս մասին նոյեմբերի 5-ին Հայաստանի Ազգային ժողովում ֆինանսավարկային եւ բյուջետային հարցերի, ինչպես նաեւ արտաքին հարաբերությունների մշտական ​​խորհրդարանական հանձնաժողովների համատեղ նիստին 2021 թվականի բյուջեի նախագծի քննարկման ժամանակ ասաց ՀՀ արտաքին գործերի նախարար Զոհրաբ Մնացականյանը:

Նախարարի խոսքով` Արցախում հայրենակիցներն ու հայ ժողովուրդը կռվում են փաստացի երեք թշնամու` Թուրքիայի, վարձկան ահաբեկիչների եւ Ադրբեջանի հետ:

«Ահաբեկիչների հայտնվելը մեր տարածաշրջանում մարտահրավեր է շատ ավելի մեծ համատեքստում եւ` ոչ միայն մեզ համար: Հետեւանքներն իսկապես լուրջ են»,- ասաց Մնացականյանը:

Գրոհայինները, շեշտեց ԱԳՆ ղեկավարը, սպառնում են շատ երկրներին, ոչ միայն` Հայաստանի անմիջական հարեւաններին:

Մնացականյանը նշեց նաեւ, որ ներկայումս նախարարության հիմնական գործողություններից է ահաբեկչության դեմ պայքարը: Արտաքին գործերի նախարարությունը բարձրացնում է այս հարցը նաեւ այլ երկրների գործընկերների հետ շփումներում:

Շուտով նա հույս ունի ավելի մանրամասն խոսել այս թեմայի շուրջ: