Ստեփանակերտի բնակիչները սկսեցին վերադառնալ տուն
Փախստականները սկսել են վերադառնալ Ստեփանակերտ, հայտնում է «Ինտերֆաքսը»՝ հղում անելով ՌԴ ՊՆ-ին:
«2020թ․ նոյեմբերի 14-ին Ստեփանակերտի շուրջ 250 բնակիչներ վերադարձան իրենց տները»,- ասված է ռազմական գերատեսչության հայտարարության մեջ:
Փախստականներ տեղափոխող առաջին ինը ավտոբուսները քաղաք են ժամանել այն բանից հետո, երբ ռուս խաղաղապահները դիտակետեր են տեղադրել:
Ավելի վաղ Ռուսաստանի խաղաղապահ զորախմբի հրամանատար, գեներալ-լեյտենանտ Ռուստամ Մուրադովը լրագրողներին ասել էր. «Ամենակարեւորն այն է, որ բոլոր տեսակի ռազմական գործողություններն այսօր շփման տարածքում դադարեցված են: Մենք այսօր կրակոցներ չենք լսում: Իրավիճակը քիչ-քիչ կայունանում է»: