Ռուսաստանի ամենահայտնի մարզիկը Խաբիբն է. ովքեր են լավագույն հնգյակում
Ռուսաստանի քաղաքացիները երկրի ամենահայտնի մարզիկ են ընտրել թեթև քաշային կարգում UFC-ի չեմպիոն Խաբիբ Նուրմագամեդովին:
Հասարակական կարծիքի ուսումնասիրման համառուսական կենտրոնը տեղեկացնում է, որ քվեարկության արդյունքում Խաբիբը ստացել է ձայների 10 տոկոսը: Նրան հաջորդում է «Զենիթի» և Ռուսաստանի հավաքականի հարձակվող Արտյոմ Ձյուբան (8%):
Լավագույն հնգյակում են նաև թենիսիստ Դանիլ Մեդվեդևը, հոկեյիստ Ալեքսանդր Օվեչկինը և գեղասահորդ Ալինա Զագիտովան: Նրանք 2-ական տոկոս են հավաքել:
Հիշեցնենք, որ 32-ամյա Խաբիբը այս տարի հայտարարեց կարիերան ավարտելու մասին: