Ինչ իրավիճակ է Մասիսում երկրաշարժից հետո. պարզաբանում է քաղաքապետը
Մասիսում այս պահին ավերածությունների մասին տեղեկություններ չկան։ Այս մասին ArmDaily.am-ի հետ զրույցում ասաց համայնքի ղեկավար Դավիթ Համբարձումյանը։
«Համագործակցում ենք նաև արտակարգ իրավիճակների նախարարության հետ, փորձում ենք ավելի հանգամանալի պարզել, թե ինչ վիճակ է համայնքում։ Նախնական տեղեկություններով ավերածություններ չունենք։ Հուսամ՝ նման դեպքեր չեն հայտնաբերվի նաև առաջիկայում։ Ինչ վերաբերում է բանկիչներին, ապա մարդկանց մոտ մի փոքր խուճապ է նկատվում, բոլորը դուրս են եկել տներից, փորձում ենք նաև խոսել մարդկանց հետ և հանդարտեցնել»։
Հիշեցնենք, որ քիչ առաջ երկրաշարժը է զգացվել է Երևան քաղաքում` 5-6 բալ ուժգնությամբ։ Երկրաշարժը 3-4 բալ ուժգնությամբ զգացվել է Արագածոտնի, Արարատի, Շիրակի, Արմավիրի, Վայոց Ձորի մարզերում։
