Հեռուստաներկայացումների պրեմիերա Վանաձորի Հովհաննես Աբելյանի անվան պետական դրամատիկական թատրոնում
Փետրվարի 27-ին՝ Վանաձորի Հովհաննես Աբելյանի անվան պետական դրամատիկական թատրոնում տեղի ունեցավ Անտոն Չեխովի «Արջը» և «Առաջարկություն» ոդևիլների հիման վրա նկարահանված հեռուստաներկայացումը, որը հանդիսատեսի դատին հանձնվեց մեծ էկրան տարբերակով։
Նկարահանումները տեղի են ունեցել Վանաձորում և Ձորագյուղում։ Ընդգրկված են թատրոնի երիտասարդ դերասաններից Արման Սաքանյանը, Մարիամ Ղևոնդյանը, Վահրամ Խառատյանը, Տաթև Պետրոսյանը, Թաթուլ Բոստանչյանը և Էդգար Բարսեղյանը։ Ռեժիսորն է Արեն Օսիպյանը։ Բեմադրող օպերատոր՝ Արսեն Շահնազարյան, երկրորդ օպերատոր՝ Արամ Սիրականյան։
Նկարահանումները կատարվել են կորոնավիրուսով պայմանավորված արտակարգ ժամանակներում, հեռուստաներկայացումը պատրաստ պետք է լիներ արդեն սեպտեմբերին, բայց Արցախյան երրորդ պատերազմը դադարեցրեց ամեն ինչ, այդ թվում և այս ներկայացումը։ Սա նոր ձևաչափ է, այս անգամ հանդիսատեսը գալու է թատրոն և դերասաններին տեսնելու է ոչ թե բեմի վրա, ինչպես սովորաբար, այլ էկրանին։
