«Ոսկե Գլոբուս 2021»-ի ամենաոճային աստղերը՝ Daily Mail-ի ֆոտոշարքում
Թեև կորոնավիրուսի համավարակի պատճառով այն կայացել է կիսավիրտուալ ձևաչափով, որոշ աստղեր, այդ թվում՝ դերասանուհիներ Սալմա Հայեքը, Մարգո Ռոբին, Ռենե Զելվեգերը և Գալ Գադոտը, Հոլիվուդի ամենամեծ երեկոներից մեկին անձամբ են ներկայացել և լուսանկարվել կարմիր գորգի վրա, իսկ մյուսները միջոցառմանը հետևել են տնից՝ ցուցադրելով իրենց տոնական զգոստներն ու դիմահարդարումը։
54-ամյա դերասանուհի Սալման Հայեքը փայլել է Alexander McQueen նորաձևության տան զգեստով, որին կինոաստղն ավելացրել է Harry Winston բրենդի ադամանդե ճարմանդ, ինչպես նաև կրել է 9,58 կարատանոց ադամանդե ականջօղեր, 69,43 կարատանոց ադամանդե ապարանջան և ադամանդե մատանի։
Ավստրալացի հայտնի դերասանուհի Մարգո Ռոբին կրել է սևուսպիտակ նախշերով զգեստ։ Դերասանուհին իր տեսքն ամբողջացրել է Chanel նորաձևության տան գոտիով և պայուսակով, ինչպես նաև կրել է ադամանդե ականջօղեր։
35-ամյա դերասանուհի Գալ Գադոտը միջոցառմանը ներկայացել է սպիտակ զգեստով։ «Հրաշք կինը» ֆիլմի աստղը կրել է երկար կախազարդ և եղել է կարմիր շրթներկով։
Հոլիվուդի աստղ Ռենե Զելվեգերը կրել է դասական սև զգեստ և նույներանգ կոշիկներ։ 51-ամյա դերասանուհին ներկայացրել է թեթև դիմահարդարմամբ։
Ստորև ներկայացնում ենք երեկոյի մյուս աստղերի լուսանկարները։
Քեթրին Զետա-Ջոնս
Ամանդա Սեյֆրիդ
Ռեջինա Քինգ
Քեյթ Հադսոն
Էլ Ֆանինգ