Ով կներկայացնի Հայաստանը «Միսս տիեզերք 2020» մրցույթում
Այս տարի «Միսս տիեզերք 2020» մրցույթում Հայաստանը կներկայացնի «Միսս աշխարհ Արմենիա 2019» մրցույթի 1-ին վիցե-միսս Մոնիկա Գրիգորյանը:
Այս մասին ArmLur.am-ի հետ զրույցում փոխանցեց «Միսս Հայաստան 1998», «Միսս ԱՊՀ 1999», «Միսիս Գլոբ 2009», «Միսս Արմենիա» համահայկական մշակութային հիմնադրամի նախագահ Գոհար Հարությունյանը:
Գոհար Հարությունյանը մեզ հետ զրույցում հայտնեց, որ 22-ամյա Մոնիկան Վանաձորից է, մասնակցել է մի շարք մրցույթների, իսկ առավել մանրամասների Գոհար Հարությունյանը չցանկացավ անդրադառնալ, քանի որ մոտ օրերս կհրավիրի ասուլիս, որտեղ կանդրադառնա մրցույթի մանրամասներին:
