Լրահոս

Ո՞ր ժամերին է պետք սեքսով զբաղվել. օրվա կարգացուցակը` բոլոր տարիքային խմբերի համար. 18+




Վերջին Բլոգ-ը գրում է.

Օքսֆորդի համալսարանի հետազոտական խումբը պարզել է, թե որ տարիքում որ ժամն է լավագույնը սեքսի համար և կազմել է օրվա կարգացուցակներ՝ ըստ տարիքային խմբերի, որոնք լավագույնս նպաստում են բավարար քնելուն, սնվելուն ու սեքսով զբաղվելուն։
Եթե Դուք 20+ տարեկան եք

9:30 – Առավոտյան վերկաց. արթնանալը բարդ պրոցես է։ Քնի մելատոնին հորմոնը ստիպում է մեզ քնել, իսկ օրեքսին հորմոնը՝ արթնանալ։ Երիտասարդների մոտ օրեքսինը սկսում է «հաղթել» միայն ուշ առավոտյան։

10:00 – Սուրճ խմեք. երիտասարդների մեծամասնությունը չի նախաճաշում, քանի որ առավոտյան նրանք պարզապես քաղց չեն զգում։ Ուստի արթնանալուց մի քանի ժամ հետո նրանց մոտ քնկոտություն է սկսվում, ու որպեսզի գործարկվեն օրգանիզմի մետաբոլիստիկ պրոցեսները, հարկավոր է կոֆեին։

12:00 – Աշխատանքի սկիզբ. Ձեր տնօրենին սա հավանաբար կտխրեցնի, բայց այս տարիքում ուղեղը սկսում է առավել արդյունավետ աշխատել կեսօրին մոտ:

15:00 – Սեքս. հարկե, երիտասարդները սեքսով պատրաստ են զբաղվելու ցանկացած ժամի, բայց նրանք առավել պատրաստ են լինում ֆիզիկապես հենց այս ժամերին:

15:30 – Ճաշ. քանի որ երիտասարդներն ուշ են արթնանում, ուստի «լիցքավորում» կարող եք անել արդեն աշխատանքային օրվա կիզակետին:

17:00 – Վարժություններ. ֆիզիակական ակտիվության պիկը 15:00-18:00 միջակայքում է լինում, ուստի լավ կլինի վարժություններ անել լիցքավորվելու համար:

20:00 – Աշխատանքային օրվա ավարտ. ուղեղի ակտիվության պիկն ավարտվում է, ու ժամանակն է հանգստանալու:

20:30 – Հեռուստացույց ու համակարգիչ. էկրանների վրա կենտրոնանալու լավագույն ժամը երեկոյի սկիզբն է, երբ ուղեղը դեռ ակտիվ է:

21:30 – Ընթրիք. էներգիա կուտակեք՝ մնացյալ երեկոյի համար:

22:00 – Ուսում. հետազոտությունները ցույց են տվել, որ պատանիներն ու օրիորդները ստեղծագործական վերելք ունենում են գիշերվան մոտ:

23:00 – Կարելի է խմել. երիտասարդներն ավելի դիմացկուն են ալկոհոլի նկատմամբ, ուստի նրանց կարելի է ալկոհոլ օգտագործել քնելուց առաջ:

00:00 – Անջատեք էլեկտրոնային գաջեթները. քնելուց մեկ ժամ առաջ մի կողմ դրեք պլանշետներն ու սմարթֆոնները, անջատեք համակարգիչը, այլապես էկրանի լույսը կխանգարի քնել:

01:00 – Քուն:
Եթե Դուք 30+ տարեկան եք

8:10 – Վերկաց. 30 տարեկանից հետո մեզ մոտ շատ բան է փոխվում: Մեր մարմինն ու ուղեղը մեծանում են, ու օրգանիզմում փոխվում է կենսաբանական ժամացույցի ընթացքն այնպես, որ ամեն ինչ առավելագույնս օգտագործենք։

8:20 – Սեքս. արևային լույսը ստիմուլացնում է տեստոստերոնի արտադրությունը, այնպես որ առավոտն այս տարիքում իդեալական է սեքսով զբաղվելու համար:

8:40 – Նախաճաշ. խուսափեք քաղցր ու ալրային ուտեստներից, այլապես Ձեր արյան մեջ կտրուկ կբարձրանա շաքարը, իսկ հետո կտրուկ կընկնի:

10:40 – Անցեք գործի. այս ժամին մաքսիմումին է հասնում սթրեսի հորմոնի՝ կորտիզոլի մակարդակը, և 30-անց մարդիկ առավել կենտրոնանում են:

14:10 – Ճաշ. սպիտակուցով հարուստ ինչ-որ բան կերեք:

15:40 – Ցերեկային քուն. սա հատկապես ակտուալ է երիտասարդ ծնողների համար: Ընդամենը 20 րոպե տևողությամբ նինջը կվերականգնի Ձեր ուժերը:

18:40 – Ավարտեք աշխատանքը:

19:00 – Ֆիզիկական աշխատանք:

19:45 – Շփում. այս ժամին Ձեր տրամադրությունը կբարելավվի, իսկ մարդկանց հետ դրականորեն շփվելու ունակությունը կավելանա:

20:10 – Ընթրիք. կարելի է նաև մի քիչ ալկոհոլ օգտագործել, որովհետև այս ժամին լյարդն առավել արդյունավետ է օգտագործում ալկոհոլը:

22:00 – Հեռուստացույց և համակարգիչ. զգուշացեք արհեստական լույսի աղբյուրներից, քանզի դրանք կարող են խանգարել Ձեր քունը:

23:40 – Քուն:
Եթե Դուք 40+ տարեկան եք

7:50 – Վերկաց. 40-ից հետո էապես դյուրինանում է առավոտյան արթնանալը:

8:20 – Նախաճաշ. այս տարիքում նախաճաշները պետք է լինեն հագեցնող:

8:45 – Զբոսանք. ֆիզիկական ակտիվությունը կարագացնի արյան շրջանառությունը մկաններում:

10:20 – Անցեք գործի:

10:45 – Սուրճ խմեք. կորիտիզոլի շնորհիվ առավոտյան Ձեր օրգանիզմն առույգ է առանց կողմնակի ազդակների էլ, իսկ այս ժամին արդեն օգտակար կլինի սուրճը:

13:50 – Ճաշ:

15:30 – Տնային աշխատանք. այս ժամերին առավել արդյունավետ է ֆիզիկական աշխատանքը, իսկ աչքերը հատկապես ուշադիր են:

18:20 – Ավարտեք աշխատանքը. նման աշխատանքային օրը թույլ է տալիս առավել արդյունավետ օգտագործել ճաշի ժամանակ կուտակած էներգիան:

19:50 – Ընթրիք. սա օրգանիզմին հնարավորինս շատ ժամանակ կտա՝ քնելուց առաջ կերածը մարսելու համար:

22:20 – Սեքս. ի թիվս այլ բաների՝ սեքսը կօգնի Ձեզ թուլանալ՝ շնորհիվ սիրո հորմոնի՝ օքսիտոցինի ինտենսիվ արտադրության:

23:30 – Քուն:
Եթե Դուք 50+ տարեկան եք

7:00 – Վերկաց:

7:30 – Նախաճաշ. տարիների հետ մետաբոլիզմը դանդաղում է, ուստի ծերացոող մկանների ակտիվացման համար խիստ կարևոր է ժամանակին էներգիայով լիցքավորվելը:

8:00 – Աշխատանք այգում. առավոտյան արևն իդեալապես կարգավորում է Ձեր ներքին ժամացույցի ու կենսաբանական պրոցեսների ճիշտ ընթացքը:

9:30 – Գործի անցեք. այս ժամին իրենց գագաթնակետին են հասնում ուշադրությունն ու կենտրոնացումը:

14:00 – Ցերեկային քուն. ավտովթարների մեծ մասը տեղի է ունենում 14:00-ի սահմաններում՝ առավելապես վարորդների քնկոտության պատճառով: Այս տարիքում մարդկանց մեծամասնության քունը տանում է կեսօրից հետո, քանզի արյան մեջ գլյուկոզայի մակարդակը բնական եղանակով նվազում է ճաշից հետո:

17:30 – Ավարտեք աշխատանքը. 50 տարեկանից հետո Դուք կարող է թեթև խնդիրներ ունենաք հիշողության ու կենտրոնացման հետ հոգնածության պատճառով: Այնպես որ, մի քիչ ավելի շուտ վերջացրեք աշխատանքը:

18:00 – Կարելի է խմել. Ձեր տարիքում լյարդի աշխատանքը դանդաղում է, ու պետք է օրգանիզմին քնելուց առաջ մի քանի ժամ տալ՝ ալկոհոլը յուրացնելու համար:

19:00 – Ընթրիք. խիստ կարևոր է պարբերաբար սնունդ ընդունելը, քանզի այն թույլ է տալիս ցածր պահել խոլեսթերինի մակարդակն ու նվազեցնում է սրտանոթային հիվանդությունների հավանականությունը:

21:30 – Անջատեք հեռուստացույցն ու գաջետները. չի կարելի էկրանի առջև մեկ ժամից ավել գտնվել, հատկապես՝ քնելուց մեկ ժամ առաջ:

22:00 – Սեքս. քանի որ առավոտյան Դուք շատ գործեր ունեք, ուստի սիրային հարցերը պետք է թողնել գիշերվան:

22:30 – Քուն. չմոռանաք, որ ննջարանում պետք է լինի մութ ու հով:
Եթե Դուք 60+ տարեկան եք

6:30 – Վերկաց:

7:00 – Նախաճաշ:

8:00 – Ֆիզիկական ակտիվություն. փորձեք յոգա կամ էլ պիլատես: Եթե գերադասում եք դրսում սպորտով զբաղվել, ապա ավելի լավ, քանի որ արևի լույսը հավելյալ օգուտներ կբերի:

9:00 – Անցեք գործի. 60 տարեկանից սկսած՝ Ձեր օրգանիզմն իդեալապես հարմարվում է 9-ից 5-ը աշխատանքային գրաֆիկին: Հենց այդ միջակայքում է Ձեր ուղեղն առավել ակտիվ:

10:00 – Սուրճ խմեք. 60-ն անց մարդիկ գլխավոր սրճամոլներն են, բայց հիշեք, որ սուրճ կարելի է խմել միայն ցերեկային 6 ժամերի ընթացքում:

12:30 – Ճաշ. Ձեր տարիքային խմբում համային ռեցեպտորներն առավել զգայուն են 11:00-13:00-ին, ուստի հենց այս ժամերին ճաշն առավել հաճելի կլինի:

13:30 – Տնային աշխատանք. այս ժամին էներգիան ամենաշատն է, իսկ տեսողությունը՝ առավել լավ:

14:00 – Ցերեկային քուն. քնեք միայն այն դեպքում, եթե իրապես հոգնել եք: Քնելուց անմիջապես առաջ մեկ գավաթ սուրճ խմեք, ու այն կազդի Ձեր վրա որպես զարթուցիչ՝ օգնելով երկար չքնել:

17:00 – Ավարտեք աշխատանքը. եթե շարունակում եք աշխատել 60-ից հետո, ապա 5-ից հետո մի՛ աշխատեք:

18:30 – Ընթրիք:

19:30 – Շփում. Ձեր տարիքում շփումը մարդկանց հետ շատ օգտակար է առողջության համար: Երեկոյան կարող եք օգտվել հակասթրեսային ու թարմացնող այս հրաշալի միջոցից:

20:00 – Սեքս. հիմա, երբ ճաշից բավական երկար ժամանակ է անցել, Ձեր օրգանիզմը պատրաստ է օքսիտոցին հորմոնի հերթական չափաբաժինը ստանալ:

21:00 – Անջատեք հեռուստացույցն ու գաջեթները:

21:30 – Ընթերցանություն կամ խաչբառեր. քնելուց առաջ մտավոր աշխատանքը կնախապատրաստի Ձեր ուղեղը հանգստին ու կբարելավի հիշողությունը:

22:00 – Քուն. հենց այս ժամին է 60-ն անց մարդկանց մոտ առավելագույնին հասնում քնի հորմոնի՝ մելատոնինի մակարդակը:
Եթե Դուք 70+ տարեկան եք

6:00 – Վերկաց. այս տարիքում Ձեր օրը սկսվում է 1 ժամ ավելի շուտ, քան նախկինում:

6:30 – Նախաճաշ. տարեց մարդկանց համար վաղ նախաճաշն առավել օգտակար է, քանի որ օգնում է ակտիվացնել նյութափոխականությունը:

7:30 – Ֆիզիկական ակտիվություն. վաղ առավոտյան Ձեզ օգտակար կլինի զբոսնել, որպեսզի տաքացնեք Ձեր մկանները: Ֆիզիկական վարժությունները կնպաստեն նաև ուշադրությունը բարելավելու հարցում:

10:00 – Երկրորդ նախաճաշ. ծեր օրգանիզմն ավելի արագ է սպառում էներգիայի պաշարները, ուստի երկրորդ նախաճաշն անհրաժեշտ բան է:

11:00 – Ընթերցանություն կամ խաչբառեր. այս ժամին Ձեր ուղեղային ակտիվությունն իր պիկում է:

12:00 – Ճաշ. թվում է՝ վաղ է ճաշելու համար, բայց Ձեր օրգանիզմն էներգիա է պահանջում: Այս ժամին անգամ կարելի է սուրճ խմել, քանի որ 70-ից բարձր տարիքի մարդկանց օրգանիզմն ավելի վատ է յուրացնում կոֆեինը:

14:30 – Ցերեկային քուն. 20 րոպե ցերեկային նինջն օգնում է տարեց մարդկանց ավելի լավ քնել գիշերը:

16:00 – Ավարտեք աշխատանքը. այս ժամին Ձեր կենտրոնացումը նվազում է, ու պետք է դադարեցնել մտավոր աշխատանքը:

17:00 – Զբոսանք:

18:00 – Ընթրիք. վաղ ընթրիքը թույլ է տալիս, որպեսզի Ձեր տարեց օրգանիզմը յուրացնի սնունդը՝ նվազեցնելով ստամոքսային խնդիրների հավանականությունը: Եթե պլանավորել եք ալկոհոլ օգտագործել, խմեք միայն կուշտ փորին:

19:00 – Հեռուստացույց. ուղեղն ու աչքերը շատ զգայուն են այս տարիքում էկրանի լույսի հանդեպ, ուստի պետք է սահմանափակել հեռուստացույց դիտելն ու անջատել այն քնելուց մի քանի ժամ առաջ:

20:00 – Սեքս. սեքսը թույլ կտա Ձեզ թուլանալ քնելուց առաջ:

21:30 – Քուն. 70-ն անց մարդիկ կարող են մի քանի անգամ արթնանալ գիշերվա ընթացքում, ուստի բաց մի՛ թողեք ողջ գիշերը խաղաղ քնելու հնարավորությունը: