Մալխաս Ամոյանը՝ Եվրոպայի փոխչեմպիոն․ ՏԵՍԱՆՅՈՒԹ
2018թ. աշխարհի ու 2019թ. Եվրոպայի երիտասարդական չեմպիոն Մալխաս Ամոյանը ոսկե մեդալի պայքարը սկսեց մեծ ակտիվությամբ, մեկ րոպե ակտիվ գոտեմարտելուց հետո գորգի մրցավարը պասիվություն տվեց վրացի ըմբիշին եւ պարտեր դրություն տվեց Բոլկվաձեին: Ամոյանը պոկեց վրացի ըմբիշին, բայց գլորման հնարքի գնալիս ինքը հայտնվեց մրցակցի տակ: Գորգի մրցավարը երկու միավոր տվեց վրացի ըմբիշին:
Էդուարդ Սահակյանը բողոքարկեց, բայց մրցավարները չբավարարեցին բողոքարկումը եւս մեկ միավոր տալով վրացի ըմբիշին, հաշիվը դարձնելով 3:1 հօգուտ Բոլկվաձեին:
Երկրորդ մրցափուլում վրացի ըմբիշը եւս մեկ միավոր ավելացրեց իր հաշվին եւ գոտեմարտն ավարտեց 4։1 հաշվով:
Ամոյան - Բոլկվաձե նախորդ դիմակայությունում՝ 2021 թվականի Կիեւի մրցաշարի եզրափակիչում ավարտվել էր Մալխաս Ամոյանի հաղթանակով (9:1):
Եվրոպայի առաջնությունում Ամոյանը մեկնարկել էր 1/8 եզրափակիչից, որտեղ ժամանակից շուտ 9:0 հաշվով հաղթել էր խորվաթ Ալեն Ֆոդորին: Քառորդ եզրափակիչում 6:0 հաշվով ուժեղ էր գտնվել ուկրաինացի Մաքսիմ Եվտուշենկոյից: Կիսաեզրափակիչում էլ Հայաստանի ներկայացուցիչը 6:0 հաշվով վստահ հաղթանակ էր տարել լեհ Ռոման Պաչուրկովսկու նկատմամբ:
Էդուարդ Սահակյանի գլխավորած թիմի կազմում 67 կգ քաշային կարգում բրոնզե մեդալ է նվաճել Սլավիկ Գալստայանը, որը 1 րոպե 56 րոպեում 9:0 հաշվով հաղթեց 2016 եւ 2018 թթ. Եվրոպայի բրոնզե մեդալակիր, մոլդովացի Դոնիոր Իսլամովին:
Քիչ անց բրոնզե մեդալի համար գոտեմարտում մրցագորգ դուրս կգա Տոկիոյի Օլիմպիական խաղերի ուղեգիր նվաճած Կարախետ Չալյանը: Ապրիլի 25-ին երկու սփոփիչ գոտեմարտերում հաղթանակներ տանելուց հետո Չալյանը բրոնզե մեդալը կվիճարկի Վրաստանի ներկայացուցիչ Աիվենգո Ռիկաձեի հետ։