Հայաստանի համար ընդունելի են հայ-ադրբեջանական սահմանին ստեղծված իրավիճակի լուծման վերաբերյալ ռուսական առաջարկները. Մհեր Գրիգորյան
Հայաստանի համար ընդունելի են հայ-ադրբեջանական սահմանին ստեղծված իրավիճակի լուծման վերաբերյալ ռուսական առաջարկները, «Արմենպրես»-ին ասել է ՀՀ փոխվարչապետի պաշտոնակատար Մհեր Գրիգորյանը։
«Հայաստանի համար ընդունելի են հայ-ադրբեջանական սահմանին ստեղծված իրավիճակի լուծման վերաբերյալ ռուսական առաջարկները, և այս մասին հայկական կողմն իր դիրքորոշումը գրավոր կերպով ՌԴ գործընկերներին է ներկայացրել դեռևս մայիսի 19-ին։ Ըստ այդմ՝ հայ-ադրբեջանական սահմանային կետերի ճշտումը կարող է քննարկվել միայն ադրբեջանական զորամիավորումների՝ ՀՀ տարածքը լքելու դեպքում», - նշել է Գրիգորյանը։
Նա ասել է, որ այս համատեքստում ընդգծվել է նաև հայ գերեվարված զինվորականների վերադարձը։ «Հայաստանը նաև վերահաստատում է իր առաջարկը՝ զորքերը հայելային կերպով հետ քաշելու և մշտական տեղակայման վայրեր վերադաձնելու, այնուհետև սահմանային կետերի ճշտում իրականացնելու վերաբերյալ», - նշել է Գրիգորյանը։
Ավելի վաղ Ադրբեջանի վարչապետ Ալի Ասադովը հայտարարել էր, որ Բաքուն սատարում է ադրբեջանա-հայկական սահմանի դեմարկացիայի և դելիմիտացիայի հարցով եռակողմ հանձնաժողով ստեղծելու Մոսկվայի առաջարկին։
Տեղեկացնենք, որ EXCLUSIVElife.am-ը այս օրերին աշխատում է հատուկ ռեժիմով։ Մենք ներկայացնում ենք Հայաստանի և Արցախի «սահմանների ճշգրտման» կարևորագույն լուրերը միաժամանակ ներկայացնելով նորությունները հայկական շոու բիզնեսից։
