Լրահոս

Ռոբերտ Քոչարյան. Քվեարկեցի հանուն արժանապատիվ խաղաղության և տնտեսական վերելքի


Հանուն արժանապատիվ խաղաղության և տնտեսական վերելքի եմ քվեարկել, ընտրատեղամասում քվեարկությանը մասնակցելուց հետո լրագրողների հետ զրույցում ասաց ՀՀ երկրորդ նախագահ, «Հայաստան» դաշինքի վարչապետի թեկնածու Ռոբերտ Քոչարյանը։

Անդրադառնալով «Հայաստան» դաշինքի նկատմամբ իրականացվող հակաքարոզչությանը՝ Ռոբերտ Քոչարյանն ասաց, թե դա նախևառաջ օրենքի կոպիտ խախտում է։

«Քաղաքում տեղադրված են հազարավոր տեսախցիկներ, արդեն համացանցում կադրեր կան։ Եվ այն փաստը, որ մինչ այսօր չի հայտնաբերվել, թե դա ով է արել, ուղղակի մեծ կասկած է առաջացնում, որ դա արվում է իշխանության կողմից կամ իրենց ուղղորդմամբ։ Եթե մոտակա 1-2 ժամվա ընթացքում ոստիկանությունը չհայտնաբերի հանցագործներին, ապա մենք կհայտարարենք, որ դա արվում է իշխանության կողմից», - ասաց Ռոբերտ Քոչարյանը։