Մեսին հրաժեշտի ընթրիք է կազմակերպել «Բարսելոնայի» մի քանի ֆուտբոլիստների համար
Լիոնել Մեսին հրաժեշտի ընթրիք է կազմակերպել «Բարսելոնայի» իր արդեն նախկին թիմակիցների համար:
Արգենտինացին իր առանձնատուն է հրավիրել կատալոնական թիմի մի քանի ֆուտբոլիստների, որոնց մտերիմ ընկերներ է համարում: Ընթրիքին մասնակցել են Սերխիո Ագուերոն, Սերխիո Բուսկետսը, Ժերար Պիկեն և Ժորդի Ալբան: Ֆուտբոլիստներն ընտանիքներով են հանդիպել:
Չի հաղորդվում, թե արդյոք ընթրիքին ներկա են գտնվել «Բարսելոնայի» այլ խաղացողներ ևս:
Մեսին հեռացել է «կապտանռնագույնների» կազմից, քանի որ Լա Լիգայի օրենքները կողմերին թույլ չեն տվել նոր պայմանագիր ստորագրել: Ֆուտբոլիստը, հնարավոր է, կարիերան շարունակի ՊՍԺ-ում:
