«Էրնեկ էս ժամանակ Մխոս». Արցախի Հերոս Էդգար Մարկոսյանը հրապարակել է իր և անմահացած հերոս Մխիթար Գալեյանի զրույցից հատված և շնորհավորել հերոսի ծննդյան օրը
Արցախի Հերոս Էդգար Մարկոսյանը հրապարակել է իր և անմահացած հերոս Մխիթար Գալեյանի զրույցից հատված և շնորհավորել հերոսի ծննդյան օրը:
Մխիթարի զինծառայությունն անց է կացել Հադրութում։ Նրան ընդամենը երեք ամիս էր մնացել, որ ավարտի ծառայությունն ու տուն վերադառնա, երբ սկսվում է քառասունչորս օր ձգված հայտնի ու աննախադեպ պատերազմը։
Պատերազմական գործողություններից մեկի ժամանակ Մխիթարն իր երկու ընկերների հետ է լինում։ Երբ հակառակորդի hարվածից ընկերներից մեկը՝ Արթուրը, վիրավորվում է, Մխիթարն ու մյուս ընկերը՝ Հայկը, վազում են նրան օգնելու։
Այդ ժամանակ լինում է երկրորդ hարվածը, ինչի արդյունքում Մխիթարն ու Հայկը զոհվում են, այդպիսով կենդանի վահան դառնալով Արթուրի համար և փրկելով նրա կյանքը։
Մխիթարի ծնողները ոչ մի կերպ չեն կարողանում ընդունել այն փաստը, որ իրենց լուսավոր զավակն այլևս չկա։
