Հայաստանի դեմ շատ ավելի լավ խաղացինք, քան ցանկանում էինք. Գերմանացիների կարծիքները․ sport.mediamax.am

Գերմանիայի ֆուտբոլի հավաքականը տպավորիչ հաղթանակ է գրանցել ԱԱ-ի ընտրական մրցաշարում: Երեկոյան այն 6:0 հաշվով հաղթել է Հայաստանի ընտրանուն:

Գերմանիայի ֆուտբոլի ֆեդերացիան ներկայացրել է գլխավոր մարզչի ու ֆուտբոլիստների կարծիքները խաղի վերաբերյալ:

Հանս Ֆլիկ

Մեր հաջորդ քայլն արեցինք: Թիմը կարող է հպարտանալ իր ելույթով: Հիմա պետք է կենտրոնանանք հաջորդ խաղի վրա: Հավաքականը շատ որակներ ունի, ու շատ կարեւոր է, որ դրանք ցույց տա անհրաժեշտ պահին, ինչպես դա արեցինք Հայաստանի դեմ: Ստադիոնում մթնոլորտն անհավանական էր:

Սերժ Գնաբրի

Երեկոն շատ լավ ավարտեցինք, նույնիսկ չկարողացանք մեր հնարավորություններից մի քանիսն օգտագործել: Ընդհանուր առմամբ մենք առավելություն ունեինք հենց ամենասկզբից: Բավական տպավորիչ հաղթանակ էր: Այս ամենը կօգտագործենք նաեւ Ռումինիայի դեմ խաղում:

Լեոն Գորեցկա

Լրիվ այլ խաղ ստացվեց, ստադիոնում հիանալի մթնոլորտ էր, երեւում էին տրիբունաներում երկրպագուների հիացած դեմքերը: Մեծ հույսեր ունեինք եւ ցույց տվեցինք, թե ինչպես ենք ցանկանում խաղալ Ֆլիկի գլխավորությամբ: Շատ բան կարողացանք խաղի ընթացքում կյանքի կոչել: Հիմա նույնն Իսլանդիայի դեմ խաղում կրկնելու ժամանակն է:

Տիմո Վերներ

3 միջազգային խաղ եմ անցկացրել Շտուտգարտում ու 3 գոլի հեղինակ դարձել, այն հաջողակ վայր է ինձ համար: Հայաստանի դեմ շատ ավելի լավ խաղացինք, քան ցանկանում էինք:

Նյութի աղբյուրը այստեղ։

Լուսանկարը` Germany Football Team