Մոսկվայում բացվել է Արմեն Ջիգարխանյանի հուշարձանը
Ժողովրդական արտիստ Արմեն Ջիգարխանյանի մահվան տարելիցի օրը Մոսկվայի Վագանկովյան գերեզմանատանը բացվել է նրա հուշարձանը, հայտնում է ՏԱՍՍ-ը:
Քանդակի հեղինակներն են Ռուսաստանի եւ Հայաստանի վաստակավոր արտիստներ Վահե եւ Միքայել Սողոյանները: Նախատիպը Ջիգարխանյանի կերպարն է «Զրույցներ Սոկրատեսի հետ» ներկայացումում:
«Արմեն Բորիսովիչը ներկայացված է արդեն հասուն տարիքում, կարծում եմ՝ հենց այդպես է նրան մեծամասնությունը հիշում: Սա նրա նշանակալի դերերից մեկն է, որ կերտել է Վլադիմիր Մայակովսկու թատրոնի բեմադրությունում»,- նշել է քանդակագործ Միքայել Սողոյանը:
Արմեն Ջիգարխանյանը մահացել է 2020 թվականի նոյեմբերի 14-ին, 85 տարեկանում։