Լրահոս

Տղամարդկանց բնորոշ բարդույթներ




Տղամարդկանց մի շարք արարքներ անհասկանալի են կանանց համար, քանի որ իրականում դրանք միայն տղամարդու հոգեբանության առանձնահատկություններից են։ Հետեւաբար, պետք է իմանալ ձեր ընտրյալի մի քանի բարդույթի մասին։

1. Ալեքսանդրի բարդույթ

Զարմանալի է, բայց փաստ։ Այս բարդույթն անվանել են Ալեքսանդր Մակեդոնացու անունով։ Այն տղամարդու՝ մյուս տղամարդկանց մոտ ոչ առնական եւ տղամարդկային երեւալու բարդույթն է. ավելի ճիշտ կլինի ասել նույնասեռական չթվալու բարդույթն է։

2. Հերկուլեսի բարդույթ

Այս բարդույթն իր անվանումը ստացել է հին հունական հերոս Հերկուլեսի անունից։ Ըստ առասպելի՝ մի անգամ Հերկուլեսը ստրկացվել է ամազոնուհիների թագուհու կողմից եւ ստիպված է եղել կանանց բնորոշ աշխատանք կատարել։

Այսօր «տնային տնտեսուհու» բարդույթով տառապում են հազարավոր տղամարդիկ, սակայն իհարկե, այս մասին հասկանում են միայն հոգեբանները, իսկ կանայք կարծում են, որ դա ծուլության նշան է։

3. Ղովտի բարդույթ

Ղովտը Աստվածաշնչում Աբրահամի զարմիկն էր, ով Սոդոմ եւ Գոմոր քաղաքների կործանումից հետո վերածնեց մարդկությունը. ընդ որում, նրա կանանց դերում սեփական աղջիկներն էին։

Այսօր մասնագետները Ղովտի բարդույթ անվանում են այն փաստին, երբ հայրը վախենում է կորցնել իր դստերը, երբ վերջինս սիրած էակ կամ ընտրյալ է ունենում։ Սակայն պետք է նշել, որ այս բարդույթը կարող է այնքան վառ արտահայտված լինել, որ հայրն ամբողջությամբ զրկի դստերը անձնական երջանկություն ունենալու հնարավորությունից։

4. Նապոլեոնի բարդույթ

Ամենատարածված բարդույթը՝ ցածրահասակ տղամարդկանց բարդույթը։ Նման տղամարդիկ ատում են բարձրահասակներին եւ շատ դժվար են շփվում վերջիններիս հետ։ Եթե բարձրահասակ տղամարդը Նապոլեոնի բարդույթով տառապող կարճահասակ ղեկավար է ունենում, ապա նա կարող է մեկընդմիշտ մոռանալ կարիերայում առաջընթաց ունենալու մասին։

5. Դոն Ժուանի բարդույթ

Դոն Ժուանի բարդույթ՝ տղամարդը վախենում է լքված լինելուց, քանի որ կարծում է, որ դա ամոթալի երեւույթ է։ Պետք է նա հեռանա, ոչ թե նրան լքեն։

6. Կոտովսկու բարդույթ

Ինչ եք կարծում սափրած գլուխ ունենալու նորաձեւությունը տարածվել է սափրագլուխներից (սքինհեդ). ոչ։ Հոգեբանները վստահ են, որ տղամարդկանց մոտ շատ հաճախ է նկատվում Կոտովսկու բարդույթը՝ ճաղատ դառնալու վախը։ Եվ քանի որ այսօր բժշկությունը շատ դժվարությամբ է կարողանում պայքարել այս խնդրի դեմ, ապա կարելի է նախօրոք սափրել գլուխը «գեղեցիկ եւ նորաձեւ» լինելու համար։

7. Ղեկավարի բարդույթ

Տղամարդիկ վախենում են հայտնվել ինչ-որ մեկի ենթակայության տակ։Տղամարդն անգամ չի կարողանում հաշտվել, որ կինն ավելի շատ է վաստակում, քան ինքը։

8. Թոշակառուի բարդույթ

Բոլոր տղամարդիկ վախենում են թոշակի անցնելուց։ Սակայն այս բարդույթը շատ ավելի շուտ է սկսվում՝ 50 տարեկանում։ Սա պայմանավորված է այն հանգամանքով, որ տղամարդը հոգեբանորեն զգում է, որ նա շատ հարցերում արդեն չի կարող մրցել ավելի երիտասարդ տղամարդկանց հետ։


Աղբյուրը՝ psyho.ru

Մեզ կարող եք հետևել նաև Telegram-ում