Լայոնել Ադամսը վերադարձավ Հայաստանի առաջնություն
27-ամյա ռուս կենտրոնական պաշտպան Լայոնել Ադամսը միացել է «Վանին»: Այս մասին հայտնում է Չարենցավանը ներկայացնող թիմի մամուլի քարտուղարությունը:
«Թոփ-տրանսֆեր թոփ-թիմի դեմ խաղից առաջ»,- այսպես է մեկնաբանել Ադամսի տեղափոխությունը «Վանի» մամուլի քարտուղարությունը:
Ադամսը Մոսկվայի ԲԿՄԱ-ի սան է, հանդես է եկել ռուսական «Ենիսեյ» և «ԿԱՄԱԶ» ակումբներում, ինչպես նաև մեկ մրցաշրջան անցկացրել է «Ուրարտու»-ում, որի կազմում նվաճել է Հայաստանի գավաթը:
Նրա վերջին ակումբն էր Ղազախստանի պրեմիեր լիգան ներկայացնող «Տուրան» ակումբը:
ՀՊԼ հերթական տուրի խաղում «Վանը» սեփական հարկի տակ ընդունում է Երևանի «Փյունիկին»: Խաղի մեկնարկը 14:00-ին է:
