Կապառոս․ «Կարող էինք ավելի խոշոր հաշվով հաղթել»
Շատ լավ խաղ ցուցադրեցինք: Մենք նրանց ոչնչացրինք երկրորդ հարկում: Շնորհավորում եմ Վահան Բիչախչյանին եւ Էրիկ Վարդանյանին հրաշալի խաղ ցուցադրելու համար:
Այս մասին Հայաստան - Չեռնոգերիա ընկերական հանդիպումից հետո տեղի ունեցած ասուլիսում նշեց ֆուտբոլի Հայաստանի ազգային հավաքականի գլխավոր մարզիչ Խոակին Կապառոսը:
Երեւանի Վազգեն Սարգսյանի անվան «Հանրապետական» ստադիոնում անցկացված խաղում Հայաստանի թիմը հաղթեց 1:0 հաշվով:
«Կարծում եմ՝ կարող էինք ավելի խոշոր հաշվով հաղթել: Վերջում, երբ մնացինք 10 ֆուտբոլիստով, ավելի բարդացավ: Մենք կարողացանք նրանց ոչնչացնել երկրորդ հարկում:
Ստյոպա Մկրտչյանը բավական հետաքրքիր խաղ ցուցադրեց իր առաջին խաղում: Դեռ աճելու տեղ ունի: Եթե այսպես շարունակի, կնշանակի, մենք եւս մեկ ֆուտբոլիստ նվաճեցինք Հայաստանի հավաքականի համար:
Մեզ հունիսին 4-ին հանդիպում է սպասվում, եւ մենք պետք է տեսնենք մեր նորեկներին գործի մեջ: Փոխարինման դուրս եկած նորեկները շատ լավ խաղացին:
Շնորհավորում եմ Վահան Բիչախչյանին եւ Էրիկ Վարդանյանին, քանի որ հրաշալի խաղ ցույց տվեցին ոչ միայն գոլի առումով, այլեւ ամբողջ խաղի ընթացքում հետաքրքիր տարբերակներ էին առաջարկում մեր ֆուտբոլիստներին:
Համաձայն չեմ Չեռնոգորիայի հավաքականի գլխավոր մարզիչի հետ, որ մեր թիմը կոշտ ֆուտբոլ էր խաղում: Կար ֆիզիկական պայքար, իսկ ֆուտբոլում հաղթում է նա, ով խաղադաշտում հաղթում է մենապայքարում: Չեռնոգորիայի թիմն ավելի շատ Իռլանդիայի հավաքականին է հիշեցնում մեր առաջիկա մրցակիցներից:
Շատ գոհ ենք այն խաղից, որը ցուցադրեցին մեր ֆուտբոլիստները: Երկու խաղացող ունեինք դաշտում 18 տարեկան եւ դա շատ կարեւոր է հայկական ֆուտբոլի համար: Նրանք իրենց նորամուտը նշեցին ազգային հավաքականում:
Շատ ասպեկտներ կան, որ պետք է բարելավենք, բայց կարող ենք գոհ մնալ այն աշխատանքից, որ կատարում է ֆեդերացիան: Դավիթ Յուրչենկոն մեզ շատ օգնեց այս հանդիպմանը: Եթե նա ուժեղ չլիներ երկրորդ հարկում, այլ հաշիվ կունենայինք:
Նորվեգիայի հետ խաղում մրցելու ենք բարձրակարգ ֆուտբոլիստներ ունեցող հավաքականի դեմ: Ակնկալում ենք լավ պայքար եւ աճ մեր գրանցած արդյունքներում»,- նշեց Խոակին Կապառոսը:
Նյութի աղբյուրը այստեղ։