«Այսօր առաջին քայլերս արեցի․ առջեւում դեռ տեւական վերականգնողական աշխատանքներ ունեմ անելու»․ Անդրե
Երգիչ Անդրեն, որն այս շրջանում առողջական խնդիրներ ունի, հայտնել է, որ մեծ դժվարությամբ, բայց կարողանում է քայլել։
Երգիչն իր ինստագրամայն էջում կարճ տեսանյութ է հրապարակել ու գրել․ «Շնորհիվ Ամենակարողի ողորմության, ձեր աղոթքների, Հայաստանի և ԱՄՆ֊ի սրտացավ և պորֆեսիոնալ բժիշկների, այսօր առաջին քայլերս արեցի։ Առջևում դեռ տևական վերականգնողական աշխատանքներ ունեմ անելու, կարևորն արդեն դրականը տեսանելի է։
Այն, որ մեծ դժվարությամբ, բայց կարողանում եմ քայլել, արդեն իսկ հաղթանակ է։ Եվ դա իմ և ձեր հաղթանակն է, մեր միասնականության և փոխադարձ սիրո հաղթանակն է։ Շնորհակալ եմ բոլորիդ, որ այս դժվար ժամանակներում կողքիս եք, շնորհակալ եմ ձեր սրտացավության, անհանգստության, աղոթքների և օրհնությունների համար։ Անչափ սիրում եմ բոլորիդ»,- գրել է նա։
