«Միսս ԱՊՀ-2022»-ը մրցույթը կկայանա Կ. Դեմիրճյանի անվան մարզահամերգային համալիրում
Հունիսի 3-ից մինչև հունիսի 18-ը Հայաստանում կկայանա «Միսս ԱՊՀ-2022» միջազգային գեղեցկության մրցույթը։
Կազմակերպիչները հայտնել էին, որ մրցույթը կայանալու է Ա. Սպենդարյանի անվան օպերայի և բալետի ակադեմիական թանտրոնում, բայց հաշվի առնելով որոշակի հանգամանքներ՝ որոշվել է մրցույթը տեղափոխել Կ. Դեմիրճյանի անվան մարզահամերգային համալիր։
«Միսս ԱՊՀ» միջազգային գեղեցկության մրցույթի հիմնադիր Նաիրի Մնացականյանը հաստատեց լուրը։ Նա հայտնեց, որ մրցույթին մասնակցելու համար ՀՀ են ժամանելու աշխարհի տարբեր երկրներից բազմաթիվ ճանաչված անձինք մոդելինգի եւ նորաձեւության ոլորտից։
Մասնակից գեղեցկուհիներին ոգեւորելու համար ժամանելու են իրենց երկրից ուղեկցող թիմեր, լրատվամիջոցներ եւ զբոսաշրջիկներ, որոնց քանակը անհամատեղելի է դառնում Օպերայի դահլիճի տեղերի հետ։
Հավելենք, որ մրցույթի ընթացքում լինելու են համերգային և պարային շոու ծրագրեր, որոնցից շատերը կներկայացնեն արտասահմանյան խմբեր։
Նյութը՝ Աննա Հարությունյանի
