Լրահոս

Վահան Քերոբյանն ու Դեն Բիլզերյանը հանդիպել են. ՖՈՏՈ




ՀՀ էկոնոմիկայի նախարար Վահան Քերոբյանը հանդիպել է ամերիկահայ միլիոնատեր Դեն Բիլզերյանի հետ։

«Այսօր հանդիպել եմ Դեն Բիլզերյանի և իր գործընկերների հետ` քննարկելու Հայաստանում արտադրական ներդրումներ անելու հնարավորությունները»,– ֆեյսբուքյան իր էջում գրել է նախարարը։



Նշենք, որ «Պոկերի արքան» Հայաստան է եկել այսօր։ Նա այցելել է Երևանի կենտրոնում գտնվող իր բրենդային խանութ, որտեղ հանդիպել է երկրպագուներին և ներկայացրել իր «Դրվածք» գիրքը:

Հիշեցնենք, որ Բիլզերյանը 2018 թվականին այցելել էր Հայաստան, հայկական անձնագիր ստացել և հաշվառվել ՀՀ ԶՈւ–ում։ Նա մեկնել էր Արցախ ու Սևանում ճաշել ՀՀ երկրորդ նախագահի որդու` Լևոն Քոչարյանի հետ։ Ամերիկահայ միլիոնատերը չէր մոռացել նաև իր գեղեցկուհիների մասին, թեև ամբողջ «հարեմին» հետը չէր բերել, այլ եկել էր միայն սևահեր Սայլեն Մեդեյրոսի հետ։

Մեզ կարող եք հետևել նաև Telegram-ում