Լաս Վեգասում համեստ հարսանիքից հետո Ջենիֆեր Լոպեսն ու Բեն Աֆլեքը գնացել են սիրո քաղաք՝ Փարիզ։ Երեկ զույգին նկատել են Le Matignon ռեստորանում։ Ինչպես հայտնում է People֊ի աղբյուրը, զույգը օդանավակայան է ժամանել մասնավոր ինքնաթիռով և անմիջապես ռոմանտիկ զբոսանքի է գնացել։ Մտնելով Ելիսեյան դաշտերի մոտ գտնվող ռեստորան՝ աշխարհի ամենահայտնի նորապսակները ձեռք ձեռքի բռնած՝ բացօթյա կտուրում սեղան են խնդրել: Երեկոյան ելքի համար Լոպեսն ընտրել է երկար կարմիր զգեստ և մազերը հարդարել է ազատ սանրվածքով:
Զույգը մոտ երկու ժամ անցկացրել է ռեստորանում և պարային ակումբում, նախքան իրենց հյուրանոց վերադառնալը:
Փարիզում նրանց ուղեկցել են իրենց երեխաները՝ Ջենիֆերի դուստրը՝ Էմման, և Բենի դուստրը՝ Սերաֆինան։ Հավանաբար, հարսանիքին ականատես են եղել նաև աղջիկները։
