Լրահոս

Ինչ փուլում է «Մանկական Եվրատեսիլ 2022»-ում Հայաստանի պատվիրակի ընտրությունն ու ովքեր են ժյուրիի կազմում




Հանրային հեռուստաընկերությունն այս օրերին լսումներ է անցկացնում Երեւանում կայանալիք «Մանկական Եվրատեսիլ 2022» երգի մրցույթի մեր ներկայացուցչին ընտրելու նպատակով:

Առաջին ալիքի ֆեյսբուքյան էջում տարածված հաղորդագրության մեջ ասվում է, որ ավելի վաղ հայտարարված մրցույթին 100-ից ավելի հայտ է ստացվել Հայաստանից և տարբեր երկրներից: Մրցույթի երկրորդ փուլի համար Հանրային հեռուստաընկերությունը եւ մասնագիտական ժյուրին առաձնացրել են լավագույն 30-ին, լսել նրանց կենդանի կատարումներն ու հարցազրույց անցկացրել:


Ժյուրիի կազմում են «Եվրատեսիլի» հայաստանյան պատվիրակության ղեկավար Դավիթ Ծերունյանը, Առաջին ալիքի երաժշտական պրոդյուսեր Անուշիկ Տեր-Ղուկասյանը, «Մանկական Եվրատեսիլ 2011»-ի Հայաստանի ներկայացուցիչ Դալիթան, «Եվրատեսիլ 2022»-ի Հայաստանի Ներկայացուցիչ Ռոզա Լինը և երգահան Լիլիթ Նավասարդյանը:


Առաջին ալիքը շուտով կհայտարարի «Մանկական Եվրատեսիլի» հայաստանյան պատվիրակի անունը:

«Մանկական Եվրատեսիլ 2022»-ն անցկացվելու է դեկտեմբերի 11-ին՝՝ Կարեն Դեմիրճյանի անվան մարզահամերգային համալիրում։