Time ամսագիրը սեպտեմբերյան համարի շապիկը նվիրել է Եղիսաբեթ II-ին
Ամերիկյան Time ամսագրի աշխատակիցներն առցանց հրապարակել են սեպտեմբերյան համարի շապիկը, որում պատկերված է հանգուցյալ թագուհի Եղիսաբեթ II-ի լուսանկարը:
«Time-ի հիշարժան շապիկը. Եղիսաբեթ II թագուհի, 1926-2022 թթ.», - ասվում է հրատարակության թվիթյան էջում։
Նկարն արվել է 1968 թվականին ХХ դարի լուսանկարիչ Սեսիլ Բիթոնի կողմից։ Հենց նա է դարձել թագուհու երիտսարդության տարիների լուսանկարների մեծ մասի հեղինակը։
Հիշատակի շապիկի վրա թագուհու նկարը եզերված է ոչ թե կարմիր, այլ արծաթագույն շրջանակով։ Ամսագիրը վերջին անգամ այն օգտագործել է 2008 թվականին՝ Բարաք Օբամայի շապիկի համար: Այն ժամանակ նա ընտրվել է Միացյալ Նահանգների նախագահ։
Time ամսագիրը բազմիցս շապիկին տեղադրել է Եղիսաբեթ II թագուհու նկարները։ Թագուհու հետ առաջին շապիկը ներկայացվել է 1929 թվականի ապրիլին։ Այն ժամանակ նա դեռ արքայադուստր Լիլիբեթն էր։ Նկարում Մեծ Բրիտանիայի ապագա տիրակալը 3 տարեկան էր։ Դրանից հետո թագուհու լուսանկարները շապիկին հայտնվել են առնվազն 10 անգամ։
