Վանդա Նառան հայտարարել է Մաուրո Իկարդիից բաժանվելու մասին
Թուրքական «Գալաթասարայի» նորեկ, արգենտինացի հարձակվող Մաուրո Իկարդիի կին և գործակալ Վանդա Նառան սոցցանցերում գրառում է կատարել՝ հայտարարելով իրենց ամուսնալուծության մասին:
«Ինձ համար շատ ցավալի է ապրել այս պահը։ Բայց, հաշվի առնելով մամուլում շրջանառվող շահարկումները, ավելի լավ կլինի, որ բոլորն իմ կողմից լսեն:
Այլևս ոչինչ չունեմ հայտարարելու այս թեմայով, և չեմ ցանկանում մանրամասներ հայտնել բաժանման մասին։ Խնդրում եմ հասկանալ ոչ միայն ինձ, այլ նաև մեր երեխաներին»,- գրել է Նառան:
Հիշեցնենք, որ Իկարդին ու Նառան ունեն երկու երեխա: 2021-ի ամռանը Նառան ֆուտբոլիստին մեդադրել էր դավաճանության մեջ։