Հանդիսավորությամբ տրվեց «Մանկական Եվրատեսիլ 2022» երգի միջազգային մրցույթի հետհաշվարկը - Home - EXCLUSIVElife.am: Armenian Celebrities, Events, Fashion, Presentations & Photoshoot

Լրահոս

Հանդիսավորությամբ տրվեց «Մանկական Եվրատեսիլ 2022» երգի միջազգային մրցույթի հետհաշվարկը




Այս տարի «Մանկական Եվրատեսիլ 2022»-ը կայանալու է Երևանում, ինչի առթիվ այսօր Երևանի սրտում՝ Հյուսիսային պողոտայում տեղադրվել է այս տարվա խորհրդանիշը՝ հոլը:

Ուղիղ մեկ ամիս անց կայանալու է «Մանկական Եվրատեսիլ 2022»-ը, որի գլխավոր խորհրդանիշը հոլն է, իսկ խորագիրը՝ «Պտտիր հրաշքը»: Այսօր կայացել է հետհաշվարկի արարողությունը, որին ներկա է եղել Երևանի փոխքաղաքապետ Տիգրան Ավինյանը:


«Ուզում եմ շնորհակալություն հայտնել Մալենային, որը պատվով ներկայացրեց Հայաստանը, իսկ նրա հաղթանակը բոլորինս է և հենց իր շնորհիվ մենք այս տոնը նշում ենք Երևանում»,- ասաց փոխքաղաքապետը:

Ողջույնի խոսքն է ասել նաև Հանրային Հեռուստաընկերության գործադիր տնօրեն Հովհաննես Մովսիսյանը:


«Տեղադրված էկրանին, այս տաղավարում և Երևանի մի շարք գովազդային վահանակների վրա երևալու է հետհաշվարկը, իսկ Երևանը շնչելու է Եվրատեսիլով»,- նշեց Հովհաննես Մովսիսյանը:

Պաշտոնական բացումն իրականացրել են այս տարի Հայաստանը ներկայացնող երիտասարդ երգչուհի Նարեն և նախորդ տարվա հաղթող Մալենան: