AusOpen. Խաչանովը պարտվեց Ցիցիպասին

Աշխարհի 20-րդ ռակետ, ռուսաստանցի Կարեն Խաչանովը չկարողացավ դուրս գալ Ավստրալիայի բաց առաջնության եզրափակիչ։ Հայ թենիսիստը կիսաեզրափակիչում մրցեց աշխարհի չորրորդ ռակետ, հույն Ստեֆանոս Ցիցիպասի հետ եւ պարտություն կրեց 4 սեթում՝ 6:7 (2:7), 4:6, 7:6 (8:6), 3:6 հաշվով։ Պայքարը տեւեց 3 ժամ եւ 21 րոպե։

Եզրափակիչում Ստեֆանոս Ցիցիպասի մրցակիցը կլինի սերբ Նովակ Ջոկովիչի եւ ամերիկացի Թոմի Փոլի դիմակայության հաղթողը։

Կարեն Խաչանովն առաջին անգամ էր հասել Ավստարլիայի բաց առաջնության կիսաեզրափակիչ։

Ստեֆանո Ցիցիպասն առաջին անգամ կխաղա Ավստրալիայի բաց առաջնության եզրափակիչում, որը տեղի կունենա հունվարի 29-ին։

Այս մրցաշարի մրցանակային հիմնադրամը 51,3 միլիոն դոլար է։