Շերի եւ նրա երիտասարդ սիրելիի կրքոտ համբույրը
Շերը եւ նրա երիտասարդ սիրելին՝ Ալեքսանդր Էդվարդսը, իրենց պաշտոնական դեբյուտը կարմիր գորգի վրա կատարեցին որպես զույգ Versace Fall-Winter 2023 նորաձեւության ցուցադրության ժամանակ:
76-ամյա Շերը եւ 37-ամյա երաժշտական պրոդյուսերը ժպտում ու գրկախառնվում էին լուսանկարիչների համար նկարվելիս եւ նույնիսկ համբուրվում էին Արեւմտյան Հոլիվուդի Pacific Design Center-ում անցկացված միջոցառման ժամանակ:
Էդվարդսն ավելի վաղ հայտնել էր, որ ինքն ու Շերը ծանոթացել են միմյանց երեխաների հետ։ Էդվարդսը հաստատել է, որ հանդիպել է Շերի որդիների՝ Չազ Բոնոյի եւ Էլայջա Բլյու Ալմանի հետ՝ նրանց անվանելով «իմ ընկերներ»։
Նա նաեւ նշել է, որ Շերը «զարմանալի» հարաբերություններ ունի իր երեք տարեկան որդու՝ Սլեշ Էլեկտրիկի հետ։
