Հայտնի են «Օսկար»-ի 95-րդ մրցանակաբաշխության հաղթողները

Լոս Անջելեսում ավարտվել է «Օսկար»-ի 95-րդ մրցանակաբաշխությունը։

ABC հեռուստաալը հայտնում է, որ մրցանակաբաշխությունը, ինչպես ավանդաբար լինում է, անցկացվել է Dolby Theatre-ում, հաղորդավարը կատակերգու Ջիմի Քիմելն էր։

«Ամեն ինչ ամենուր և միանգամից» ֆիլմը, որի ռեժիսորներն են Դեն Քվանը և Դանիել Շայներտը, մրցանակի է արժանացել «Տարվա լավագույն ֆիլմ» գլխավոր անվանակարգում։

Ինչպես արդեն հայտնել ենք «Լավագույն դերասան» անվանակարգում մրցանակը ստացել է ամերիկացի դերասան Բրենդան Ֆրեյզերը։ Նա հեղինակավոր արձանիկ է ստացել «Կետը» ֆիլմում իր դերի համար։

Նախկինում նա այս դերի համար արժանացել էր Screen Actors Guild Award-ին։

Միշել Յեոն «Օսկար» է ստացել «Լավագույն դերասանուհի» անվանակարգում՝ «Ամեն ինչ ամենուր և միանգամից» ֆիլմում դերակատարման համար։

«Ավատար. Ջրի ճանապարհը» (Avatar: The Way of Water, 2022) ֆիլմը, որի ռեժիսորն է Ջեյմս Քեմերոնը, մրցանակի է արժանացել «Լավագույն վիզուալ էֆեկտներ» անվանակարգում։

«Ամեն ինչ ամենուր և միանգամից, 2021» ֆիլմն արժանացել է «Օսկար»-ի «Լավագույն օրիգինալ սցենար» անվանակարգում։

Հիմնական անվանակարգերում հաղթողների վերջնական ցուցակը հետևյալն է.

Լավագույն ֆիլմ - «Ամեն ինչ ամենուր և միանգամից», (Everything Everywhere All at Once, 2021)

Լավագույն ռեժիսորներ - Դեն Քվան և Դանիել Շեյներտ, «Ամեն ինչ ամենուր և միանգամից»

Լավագույն դերասանուհի - Միշել Յո, «Ամեն ինչ ամենուր և միանգամից»

Լավագույն դերասան - Բրենդան Ֆրեյզեր «Կետը» (The Whale, 2022)

Երկրորդ պլանի լավագույն դերասանուհի – Ջեյմի Լի Քերտիս, «Ամեն ինչ ամենուր և միանգամից»

Երկրորդ պլանի լավագույն դերասան - Կե Հույ Կուան, «Ամեն ինչ ամենուր և միանգամից»

Լավագույն օրիգինալ սցենար - «Ամեն ինչ ամենուր և միանգամից»

Լավագույն ադապտացված սցենար - «Կանայք խոսում են», (Women Talking, 2022)

Լավագույն օպերատորական աշխատանք – Ջեյմս Ֆրենդ «Արևմտյան ֆրոնտում, առանց փոփոխությունների», (All Quiet on the Western Front)

Լավագույն անիմացիոն ֆիլմ - Գիլերմո դել Տորոյի «Պինոկիոն», 2022 թ (Guillermo del Toro's Pinocchio, 2022)

Լավագույն արտասահմանյան ֆիլմ - «Բոլորը հանգիստ արևմտյան ճակատում» (Im Westen nichts Neues, 2022)

Լավագույն կարճամետրաժ վավերագրական ֆիլմ - «Փղերի շշուկներ» (Elephant Whisperers, 2022)

Լավագույն վիզուալ էֆեկտներ - «Ավատար. Ջրի ճանապարհը» (Avatar: The Way of Water, 2022):

CNN-ի նկարահանած «Նավալնի» ֆիլմը «Օսկար» է ստացել «Լավագույն վավերագրական ֆիլմ» անվանակարգում։ Այն ռուս ընդդիմադիր գործիչ, բանտում գտնվող Ալեքսեյ Նավալնիի մասին է։