Շառլ Ազնավուրի արձանը կտեղադրվի Ֆրանսիայի հրապարակում - Home - EXCLUSIVElife.am: Armenian Celebrities, Events, Fashion, Presentations & Photoshoot

Լրահոս

Շառլ Ազնավուրի արձանը կտեղադրվի Ֆրանսիայի հրապարակում



Հայաստանի ազգային հերոս, երգիչ Շառլ Ազնավուրի հիշատակը հավերժացնող հուշարձանը կտեղադրվի Երևանի Ֆրանսիայի հրապարակում: Որոշումն ավագանու նիստում ընդունվել է միաձայն՝ 49 կողմ ձայնով:

Երևանի փոխքաղաքապետ Տիգրան Ավինյանը նշել է, որ որոշման ընդունման համար հիմք է հանդիսացել «Ազնավուր» հիմնադրամի առաջարկը, իսկ որպես հուշարձանի տեղադրման վայր՝ նախապես քննարկվել է Երևանի Շառլ Ազնավուրի անվան հրապարակը։

«Որոշվել է Ռոդենի արձանը տեղափոխել մայթեզրին ավելի մոտ հատված, քանի որ քանդակի նվիրատվության պայմանագրով սահմանված է, որ հանրությունը պետք է պատշաճ կերպով կարողանա ուսումնասիրել ստեղծագործությունը»,- ասել է Ավինյանը:

Շառլ Ազնավուրի հուշարձանի տեղադրումը նվիրված է մեծ շանսոնյեի 100-ամյակին: Հուշարձանի կրկնօրինակը տեղադրվելու է նաև Փարիզում: