37-ամյա բրազիլացին վեց կին ունի, յուրաքանչյուրից երեխա է ուզում փոխնակ մոր օգնությամբ
37-ամյա բրազիլացի Արթուր Օ Ուրսոն ունի վեց կին եւ նախատեսում է երեխաներ ունենալ նրանցից յուրաքանչյուրից։ Նրա ավագ կինը 51 տարեկան է, ամենաերիտասարդը՝ 21։ Քանի որ նա չի ցանկանում հիասթափեցնել նրանցից ոչ մեկին, որոշվել է ընտանիքը մեծացնելու համար դիմել փոխնակ մոր ծառայություններին։ Այս մասին գրում է NYP-ը։
«Ես չեմ ուզում վշտացնել իմ վեց կանանցից ոչ մեկին, ընտրելով, թե որն է առաջինը հղիանալու, այդ իսկ պատճառով մենք ընտրեցինք փոխնակ մայրությունը», - ասել է Ուրսոն NudePR.com-ին: Գործընթացը սկսելու համար Ուրսոն պատրաստվում է առաջին իմպլանտացիայի համար օգտագործել իր առաջին կնոջ՝ Լուանայի ձվաբջիջը։ Այնուամենայնիվ, այս ծրագիրը պահանջում էր համոզել մյուսներին, քանի որ նրա մյուս կանայք սկզբում ոգեւորված չեն եղել այդ գաղափարով: «Սկզբում դա շատ նուրբ հարց էր, հատկապես, որ ես նրանցից յուրաքանչյուրից երեխա եմ ուզում», - բացատրել է Ուրսոն:
Բրազիլիայի պատրիարքը հայտնել է, որ պատրաստ է 41,000 դոլար ծախսել փոխնակ մայրության ողջ գործընթացի վրա, սակայն բաց է նաեւ ապագա որդեգրումների համար։
«[Ներկայումս] մենք փնտրում ենք մեկին, ով կարող է լինել մեր փոխնակ մայրը, եւ մեզ անհրաժեշտ է մեկը, ով մեզ վստահություն տա», - խոստովանել է նա:
Ուրսոն 10-ամյա դուստր ունի նախորդ հարաբերություններից, բայց ապագայում տղայի հույս ունի: «Ես երբեք նման բան չեմ զգացել, այնպես որ սա առաջին անգամն է», - հայտարարել է տղամարդը։ «Մենք շատ անհանգստացած ենք, բայց ոգեւորված՝ իրականացնելու երեխա ունենալու այս երազանքը»:
Քանի որ Բրազիլիայում բազմակնությունն անօրինական է, մյուս կանայք օրինականորեն չէին կարող ամուսնանալ Ուրսոյի հետ, ուստի նրանք արարողություն անցկացրեցին կաթոլիկ եկեղեցում՝ պաշտոնականացնելու այս հարաբերությունները: Նրա կանանցից մեկը՝ Օլինդա Մարին, բացատրել է, որ իր համար շատ կարեւոր է ստանալ Լուանայի (առաջին կնոջ) հավանությունը, քանզի նա է որոշումներ կայացնում։
Ինչ-որ պահի Ուրսոն ամուսնացած էր ինը կնոջ հետ, բայց նրանցից չորսից բաժանվել է անցյալ տարի:
Ընտանիքն ամսական ավելի քան 61,500 դոլար է ստանում OnlyFans-ից: Հարթակում նրանք հաճախ են կիսում իրենց ընտանիքի լուսանկարներն ու տեսանյութերը եւ նույնիսկ սեռական խորհուրդները:
