System of a Down-ի «Chop Suey!»հանրաճանաչ հիթի լսումները Spotify-ում հասել են 1 միլիարդի

System of a Down հանրահայտ հիթը՝ «Chop Suey!» սինգլը Toxicity ալբոմից, Spotify-ում հասել է 1 միլիարդ լսումների: System of a Down-ը շնորհակալություն է հայտնել երկրպագուներին:

«Chop Suey!» -ը թողարկվել է 2001 թվականի օգոստոսի 13-ին որպես Toxicity խմբի առաջին սինգլ։ Էկզոտիկ տոնայնությունը եւ արագ տեմպն այն առանձնացնում են ժամանակի մյուս նյու մետալից՝ թույլ տալով խմբին ամրապնդել իր ինքնությունը՝ որպես ավանգարդ խմբի:

2018 թվականին Loudwire-ին տված հարցազրույցում System of a Down խմբի ներկայացուցիչ Դարոն Մալաքյանը պատմել է. «Ես հիշում եմ, երբ գրեցի «Chop Suey!»-ը մենք դեռ նույնիսկ տուրիստական ​​ավտոբուս չունեինք։ Մենք դեռ ֆուրգոնում էինք, իսկ ես ակուստիկ կիթառ էի նվագում հետեւի մասում... որտեղ մահճակալն էր։ Ես երբեք չեմ գրում ճանապարհին։ Դա այն սակավաթիվ երգերից է, որ գրել եմ, երբ ճանապարհին էի»: