Քիմ Քարդաշյանի նմանակը մահացել է պլաստիկ վիրահատությունից հետո
34-ամյա Քրիստինա Էշթեն Գուրկանին, ով համացանցում հայտնի է Էշթեն անունով, վիրահատությունից մի քանի ժամ անց մահացել է։ Նրա ընտանիքը համացանցում տարածել է գույժը եւ ստեղծել GoFundMe էջ, որը կօգնի վճարել նրա հուղարկավորության ծախսերը, որը տեղի կունենա հաջորդ շաբաթ:
Գուրկանին իր կարճ կյանքի ընթացքում բազմաթիվ պլաստիկ վիրահատությունների է ենթարկվել, որոնք բոլորն էլ վտանգներ են պարունակում, որոնց մասին նա քաջատեղյակ էր, սակայն նրա ընտանիքը պատասխաններ է ուզում, թե ինչու այս վիրահատությունն ավարտվեց ողբերգությամբ։
«Նրա անսպասելի եւ ողբերգական մահը ներկայումս հետաքննվում է... կապված բժշկական միջամտության հետ, որը վատ ավարտ ունեցավ», - ասվում է հայտարարության մեջ:
