Ծնվել է Ռոբերտ Դե Նիրոյի յոթերորդ երեխան

79-ամյա օսկարակիր դերասանը հաստատել է, որ ծնվել է նրա յոթերորդ երեխան։ Այս մասին հայտնել են դերասանի ներկայացուցիչները։

Հիմա աստղային ընտանիքի ավագ եւ կրտսեր երեխաների տարբերությունը 51 տարի է։ «Երեխաների հետ պետք է խիստ լինել ամեն հարցում։ Բայց ես չեմ սիրում նրանց համար օրենքներ սահմանել եւ նման բաներ: Ցանկացած ծնող նույնը կասեր։ Դուք միշտ ցանկանում եք ճիշտ բան անել երեխաների համար եւ տալ նրանց լավագույնը»,- ET Canada-ին տված հարցազրույցում հայտարարել է Ռոբերտը:

Նշվում է, որ դերասանը չի բացահայտել իր երեխայի մոր ինքնությունը։ Հայտնի է միայն այն, որ վերջին անգամ նրան վերագրել են մարտարվեստի հրահանգիչ Թիֆանի Չենի հետ սիրավեպը։

Հիշեցնենք, որ 1999 թվականին Ռոբերտն ու Գրեյս Հայթաուերը բաժանվեցին, բայց 2004 թվականին նրանք նորից միացան։ 2018 թվականին Ռոբերտն ամուսնալուծության հայց է ներկայացրել, սակայն գործընթացը դեռ շարունակվում է։ Նախկին սիրահարների ֆինանսների եւ ունեցվածքի հարցերը լուծվում են։