Բրյունետն այսօր ելույթ կունենա 17-րդ համարի ներքո․ ինչպե՞ս քվեարկել Հայաստանի օգտին
Լիվերպուլում այսօր՝ մայիսի 13-ին, կկայանա «Եվրատեսիլ 2023» երգի մրցույթի եզրափակիչ փուլը։ 26 երկրներ պայքարելու են երկար սպասված հաղթանակի համար։ Հայաստանը՝ երգչուհի Բրյունետի գլխավորությամբ, եւս եզրափակչում է ու պայքարի մեջ։ Բրյունետը կներկայանա 17-րդ համարի ներքո։ Հայաստանի ժամանակով մրցույթը կհեռարձակվի երեկոյան ժամը 23:00-ին՝ Առաջին ալիքի ուղիղ եթերով։
Հայաստանից Բրյունետի օգտին քվեարկել չեք կարող։ Եվրոպայից քվեարկելու համար հարկավոր է 17 թիվն ուղարկել տվյալ երկրում առանձնացված համարին։
Այս տարի առաջին անգամ քվեարկելու իրավունք ունեն նաեւ մրցույթին չմասնակցող երկրները. այս եղանակով քվեարկելու համար հարկավոր է այցելել www.esc.vote կայք:
Քվեարկությունը կմեկնարկի մրցույթի ընթացքում՝ բոլոր մասնակիցների ելույթների ավարտից հետո հայտարարված ժամանակահատվածում։
