18+. Մադոննայի հայտնի «Սեքս» գրքի լուսանկարների տպագրությունները կհանվեն աճուրդի
Մադոննայի 1992 թվականի «Սեքս» գրքից տպագրված լուսանկարներն առաջին անգամ հասանելի կլինեն Նյու Յորքի Christie's-ում այս աշնանը որպես վիճահարույց հրատարակության 30-ամյակին նվիրված ընթացիկ նախագծերի մաս, հաղորդում է CNN-ը:
Հոկտեմբերին «Sex»-ում առաջին անգամ տպագրված ավելի քան 40 օրինակ կառաջարկվի վաճառքի հատուկ առանձին աճուրդով։ Christie's-ի փոխնախագահ եւ միջազգային լուսանկարչության ղեկավար Դարիուս Հեյմսի խոսքերով, յուրաքանչյուր կրկնօրինակ կարտադրվի մեկ օրինակով եւ կստորագրվի Մադոննայի ու նորաձեւության լուսանկարիչ Սթիվեն Մեյզելի կողմից, որի արժեքը 50,000-ից մինչեւ 300,000 դոլար է:
Հասույթի մի մասը կտրամադրվի Raising Malawi ոչ առեւտրային կազմակերպությանը, որը հիմնադրվել է Մադոննայի կողմից 2006 թվականին՝ աջակցելու Հարավարեւելյան Աֆրիկայի երկրի որբերին ու անապահով երեխաներին:
«Երեսուն տարի անց «Սեքսը» դեռեւս հակասական է, բայց դեռեւս կարդացվում է որպես մարմնի ու սեքսի վերաբերյալ դրական գիրք», - ասել է Հայմսը:
