Աստղային ճամփորդություններ. Լիլի Մորտոյի եւ սիրելիի, Արամեի ու կնոջ, Սաթենիկ Հազարյանի հրապարակումներն՝ արտերկրից

Գերհոգնածությունն ու գերծանրաբեռնվածությունը լիցքաթափելու ամենաարդյունավետ միջոցը ճանապարհորդելն է. սա ապացուցված թեորեմ է: Նոր միջավայրը, տարբեր մշակույթն ու մի փոքր հանգիստը ծովի ափին օգնում են հավաքել մտքերն ու աշխատանքի վերադառնալ նոր ուժերով: Հայտնիներից շատերն արդեն սկսել են իրենց «վերականգնումը», այլ կերպ ասած՝ ճանապարհ ընկել նոր արկածների ու էներգիայի հետեւից:

Արամեն եւ կինը՝ Աննան, երեխաների հետ ընտանեկան հանգիստն են վայելում Դուբայում, իսկ հետեւորդներին ջերմացնում տաք ու սիրով լի հրապարակումներով:

Լիլի Մորտոն եւ սիրելին եւս արտերկրում են: Հայկական շոուբիզնեսի հայտնի շիկահերը համատեղ տեսանյութ է հրապարակել լողավազանից, որն արված է իր «Տարանտինո» երգի ներքո:

Посмотреть эту публикацию в Instagram
Публикация от LILIT MARTIROSYAN (@lili.morto.official)

Դերասանուհի Սաթենիկ Հազարյանն էլ այս պահին ամենակարեւոր իրադարձություններից մեկի կիզակետում է՝ Կաննի կինոփառատոնին: Դերասանուհին հետեւորդներին պատմել է հայկական տաղավարի, բաց երկնքի ներքո ֆիլմ դիտելու ու անվերջ հերթերի մասին: Նա իր ինստագրամյան էջում, պարբերաբար, կիսվում է ինֆորմատիվ ու ժամանցային հրապարակումներով: