Tesla-ի խորհրդի անդամներն ու իրավաբանները ներքին հետաքննություն են սկսել Project 42-ի վերաբերյալ, որը, ինչպես պարզվել է, որ գաղտնի նախագծով ապակե տուն է՝ նախատեսված Իլոն Մասկի համար։ Այս մասին հայտնում է The Wall Street Journal-ը։
WSJ-ի տվյալներով՝ «Project 42»-ը սկսել է հայտնվել Tesla-ի ֆինանսական հաշվետվություններում 2022 թվականին։ Նա գրավել է փաստաբանների և խորհրդի անդամների ուշադրությունը, երբ ընկերությունը միլիոնավոր դոլարներով մասնագիտացված ապակի է պատվիրել։ Շատ արագ պարզ է դարձել, որ նյութերը պատվիրվել են Իլոն Մասկի մասնակցությամբ և նախատեսված են նրա նոր տան կառուցման համար։
Հետաքննությունը ցույց է տվել, որ Մասկը ցանկացել է իր համար տուն կառուցել Տեխաս նահանգի Օսթին քաղաքում՝ Tesla-ի կենտրոնակայանից ոչ հեռու։ Դիտարկվել են մի քանի հնարավորություններ․ դրանցից մեկում շենքը ներկայացված էր մեծ ապակե տուփի տեսքով, որը հիշեցնում է Մանհեթենի Apple Store-ը։ Գաղտնի աշխատելով «Project 42»-ի վրա՝ Tesla-ի աշխատակիցներն առաջարկել են, որ շենքը, բացի ննջասենյակներից, խոհանոցներից և լոգարաններից, որպես թանգարան լինի։
WSJ-ին չի հաջողվել պարզել հետաքննության կարգավիճակը և դրա արդյունքը: Այնուամենայնիվ, կորպորատիվ կառավարման փորձագետները լրագրողների հետ հարցազրույցում նշել են, որ Tesla-ի տնօրենների խորհուրդը չափազանց քիչ հավանական է համարում Իլոն Մասկի անձնական բնակարանի կառուցման համար կորպորատիվ միջոցների օգտագործման նախագծին հավանություն տալը:
