Լրահոս

Առնականության ո՞ր կատեգորիային է պատկանում ձեր տղամարդը



Հետերոսեքսուալ տղամարդիկ ընդգրկվում են երեք տարբեր կատեգորիաներից մեկի մեջ, որը որոշում է, թե ինչպես են նրանք ռոմանտիկ հարաբերություններ կառուցում։

Կանադայի Բրիտանական Կոլումբիայի համալսարանի փորձագետները խորը հարցազրույցներ են անցկացրել 19-ից 43 տարեկան 92 տղամարդկանց հետ 14 տարբեր երկրներից՝ պարզելու, թե ինչպես են նրանք հարաբերություններ կառուցում, քանի որ գենդերային դերերը շարունակում են փոխակերպվել:

«Մենք ձեռնամուխ եղանք հասկանալու, թե ինչպես են առնականության տարբեր տեսակներն ազդում տղամարդկանց հարաբերությունների եւ նրանց հոգեկան առողջության վրա», - ասում է Բրիտանական Կոլումբիայի համալսարանի պրոֆեսոր Ջոն Օլիֆը:

Հետազոտողների կողմից հայտնաբերված առնականության առաջին տեսակը «նեոտրադիցիոնալիստական» է, որի դեպքում տղամարդը «հիմնականում հետեւում է ավանդական գենդերային դերերին, ինչպիսիք են՝ վաստակողն ու պաշտպանը հարաբերություններում»:

Երկրորդ լավ սահմանված տիպաբանությունը «հավասարակշռություն» է եւ ներառում է մի մարդու, ով «փնտրում է ավելի հավասար գործընկերություն՝ շեշտը դնելով փոխադարձության ու չափելի տալ ու վերցնելու վրա»:

Մինչդեռ երրորդ եւ վերջին կատեգորիան՝ «առաջադեմ», վերաբերում է տղամարդկանց, ովքեր «աշխատում են գործընկերության մեջ գենդերային հավասարության հասնելու համար՝ կանոնավոր, կենտրոնացված զրույցների միջոցով իրենց զուգընկերոջ հետ՝ որոշելու, թե ով ինչ է անում»:

Հետազոտությանը մասնակցած տղամարդկանց մեկ քառորդից պակասը (24%) դասակարգվել է որպես «նեոտրադիցիոնալիստներ», իսկ հարցվածների կեսը «միտումնավոր հեռանում է ավանդական տղամարդկային նորմերից»:

Այս թիվը ընդգծում է, որ տղամարդիկ ակտիվորեն փորձում են ազատվել «թունավոր առնականության» հետ կապված ցանկացած ասոցացումից, որը ներառում է զգացմունքները ճնշելը, գերակայության հաստատումը եւ տնային գործերին չմասնակցելը, ինչպիսիք են ճաշ պատրաստելը եւ մաքրելը:

Մինչդեռ հարցված տղամարդկանց 26%-ը պատկանում է «առաջադեմ» առնականության կատեգորիային, այսինքն՝ նրանք «կենտրոնացած են ազնվության եւ սոցիալական արդարության վրա»։

Երիտասարդ հարցվողների շրջանում առնականության ամենատարածված տեսակը եղել է «հավասարակշռությունը», իսկ տղամարդիկ իդեալականացնում են «հավասար ներդրումն ու փոխադարձությունը»: