Հայտնի են այն արտիստների անունները, ովքեր հեռանալով Ռուսաստանից՝ կորցրել են իրենց բիզնեսը հայրենիքում
Հայտնի են այն արտիստների անունները, ովքեր հեռանալով Ռուսաստանից՝ կորցրել են իրենց բիզնեսը հայրենիքում։ Նրանց ցանկը ներկայացրել է NEWS.ru-ն։
Lenta.ru-ն, մեջբերելով կայքին, գրում է՝ հատուկ ռազմական գործողությունների մեկնարկով պայմանավորված՝ բազմաթիվ արտիստներ որոշեցին հեռանալ Ռուսաստանից եւ երաժշտական գործունեությամբ զբաղվել արտասահմանում։ Միեւնույն ժամանակ, իրենց հայրենի երկրում աստղերից մի քանիսը դեռեւս ունեին իրենց ընկերություններն ու կազմակերպությունները, որոնք, ի վերջո, տարբեր պատճառներով պամանավորված փակվեցին։
Այս տարվա սեպտեմբերին հայտնի դարձավ, որ Իսրայելում բնակություն հաստատած ռուս երաժիշտ եւ «Машина времени» խմբի ղեկավար Անդրեյ Մակարեւիչը լուծարել է անհատ ձեռնարկատիրոջ իր կարգավիճակը, որի օգնությամբ նա վերջին 23 տարիների ընթացքում համերգներ էր կազմակերպել Ռուսաստանի Դաշնությունում:
Այս տարվա մայիսին փոփ երգչուհի Ալլա Պուգաչովան, ով 2022 թվականի աշնանից ամուսնու եւ երեխաների հետ ապրում է Իսրայելում, որոշել է ազատվել Ռուսաստանում իր վերջին բիզնեսից։ Երգչուհին լուծարել է Alla Pugacheva ապրանքանիշի կոշիկների արտադրությունը։ Այժմ նա չի համագործակցում «Էկոնիկա»-ի հետ, որի համար մոդելներ էր ստեղծում՝ որպես դիզայներ։
Կես տարի առաջ հարկային մարմինները փակեցին Պուգաչովայի ՍՊԸ-ն, որը կազմակերպում էր կատարողի համերգները։
Մեկ տարի առաջ ռեփեր Ալիշեր Մորգենշտերնը (Արդարադատության նախարարության կողմից ընդգրկված է օտարերկրյա առանձին գործակալների ռեգիստրում) պաշտոնապես հեռացավ իր Kaif Provenance ռեստորանի բաժնետերերից, որը գտնվում է Մոսկվայի կենտրոնում։ Մի քանի ամիս առաջ երաժիշտը, ով այժմ ապրում է Դուբայում, հայտարարել էր հաստատության ամբողջական փակման մասին, սակայն ռեստորանը դեռ գործում է։
Լուսանկարը՝ Екатерина Чеснокова/РИА «Новости»
