Լրագրող
Անի Քոչարի դուստրը՝ Մարիան, այսօր դարձել է 1 ամսական։ Այս առթիվ Անին դստեր լուսանկարների նոր շարքն է հրապարակել ու հանդես եկել անկեղծ գրառմամբ։
«Ամենագեղեցիկ իրականացած երազանքս 1 ամսական է»,-գրել է Անին՝ նշելով, որ դստերը «ժամերով նայում ու չի հագենում»։
«Սա քո կյանքի առաջին աշունն է, իսկ մեզ համար՝ առաջին աշունը, երբ մենք արդեն չորսով ենք: Մի տեսակ ամբողջացած ու լիարժեք ենք արդեն։ Միայն թե իմանայիր, թե որքա՜ն սպասված ես։ Ես քեզ 3 տարի չէ՝ 12 տարի եմ սպասել, երբեք չեմ չարացել, եւ այսօր առավել, քան երբեւէ, գիտեմ, որ սպասումս զուր չէր։ Դու եկար ամենաճիշտ պահին՝ այն պահին, երբ Բարձրյալը «գործուղեց»: Վստահ եմ, որ մեծ առաքելությամբ ես ծնվել, եւ թող քո միսիան բարի լինի։
Երբ Մարիան ծնվեց, ես հասկացա, որ Տերն ինձ օրհնելով, ցանկանում է, որ շարունակեմ ծառայել իրեն եւ ամենուր վկայեմ իր կենդանի փառքը: Տերը խոսում է ինձանով եւ, թեեւ կյանքս դժվարին մի աղոթք է, ես այն սրտի թրթիռով եմ ապրում»,-հավելել է լրագրողը։
