«Օսկար 2019»-ի «Լավագույն ֆիլմ» անվանակարգում հաղթել է «Կանաչ գիրք»-ը. ԼՈՒՍԱՆԿԱՐՆԵՐ - Home - EXCLUSIVElife.am: Armenian Celebrities, Events, Fashion, Presentations & Photoshoot

Լրահոս

«Օսկար 2019»-ի «Լավագույն ֆիլմ» անվանակարգում հաղթել է «Կանաչ գիրք»-ը. ԼՈՒՍԱՆԿԱՐՆԵՐ

Լոս Անջելեսի «Dolby» թատրոնում, ավարտվեց Ամերիկյան կինոակադեմիայի 91-րդ «Օսկար» մրցանակաբաշխության արարողությունը։ Հիմնական անվանակարգում ներկայացված էր երկու ֆավորիտ ֆիլմ՝ Փիթեր Ֆարելիի «Կանաչ գիրքը» տրագիկոմեդիան եւ մեքսիկացի Ալֆոնսո Կուարոնի իսպանալեզու «Ռոմա» դրաման։

Բացի այդ՝ այս տարի «Օսկար» մրցանակաբաշխությունն անցկացվում է միանգամից երկու սկանդալային պատմությունների համատեքստում։ Չորս տղամարդ հայտարարել է, որ դարձել «Բոհեմական ռապսոդիա» ֆիլմի ռեժիսոր Բրայան Սինգերի բռնության զոհը։ Բացի այդ՝ մրցանակաբաշխությունը պետք է վարեր կատակերգու Քեւին Հարթը, սակայն նա հրաժարվեց վարել այն հոմոֆոբ հրապարակումների պատճառով հալածանքի ենթարկվելուց հետո։


Մրցանակաբաշխության կարևորագույն «Լավագույն ֆիլմ»անվանակարգում գլխավոր մրցանակին է արժանացել ռեժիսոր Պիտեր Ֆարելիի «Կանաչ գիրք»-ը:

Լավագույն դերասանուհի է ճանաչվել Օլիվիա Քոուլմանը(«Ֆավորիտուհին»), իսկ լավագույն դերասան՝ Ռամի Մալեքը(«Բոհեմական ռապսոդիա»):

«Լավագույն սցենար» անվանակարգում հաղթել է «Կանաչ գիրք»-ը:

Մինչդեռ «Լավագույն սաունդթրեք» անվանակարգում պարգևատրվել է Բրեդլի Քուփերի և Լեդի Գագայի մասնակցությամբ «Աստղ է ծնվել» ֆիլմում հնչող Shallow ստեղծագործությունը:

«Սարդ-մարդը» մուլտֆիլմը «Օսկար» մրցանակի արժանացավ «Լավագույն մուլտիպլիկացիոն ֆիլմ» անվանակարգում:

«Երկրորդ պլանի լավագույն դերասան» անվանակարգում «Օսկար» ստացավ Մախերշալա Ալին` «Կանաչ գիրք» ֆիլմում կերտած դերի համար:

«Ռոմա» ֆիլմն «Օսկար» մրցանակի արժանացավ «Լավագույն օտարալեզու ֆիլմ» անվանակարգում: Ֆիլմի օպերատոր Ալֆոնսո Կուարոնը հաղթող ճանաչվեց «Լավագույն օպերատորական աշխատանք» անվանակարգում:

«Ազատ վերելք» (Free Solo) ֆիլմը «Լավագույն վավերագրական ֆիլմ» անվանակարգում արժանացավ «Օսկար» մրցանակի:

Դերասանուհի Ռեջինա Քինգը ստացավ «Օսկար» «Երկրորդ պլանի լավագույն դերասանուհի» անվանակարգում: Մրցանակը նրան հանձնվեց «Եթե Բիլ-սթրիթը կարողնար խոսել» ֆիլմում նրա կերտած դերի համար: Ֆիլմը մի մարդու ճակատագրի մասին է, որը բանտ է ընկնում բռնաբարության կեղծ մեղադրանքով:

Լոս Անջելեսի Dolby թատրոնում քիչ առաջ մեկնարկել է «Օսկար» 91-րդ ամենամյա կինոմրցանակաբաշխության հանդիսավոր արարողությունը:

Լավագույն ռեժիսոր անվանակարգում հաղթող ճանաչվեց՝  Ալֆոնսո Կուարոնը։
Լավագույն ֆիլմ անվանակարգում հաղթող ճանաչվեց՝ «Կանաչ գիրքը»  ֆիլմը:
Լավագույն դերասանուհի անվանակարգում հաղթող ճանաչվեց՝ Օլիվիա Կոլմանը։
Լավագույն դերասան անվանակարգում հաղթող ճանաչվեց՝  Ռամի Մալեք։