Իգոր Նիկոլաևը ծանր վիճակում շտապ հոսպիտալացվել է - Home - EXCLUSIVElife.am: Armenian Celebrities, Events, Fashion, Presentations & Photoshoot

Լրահոս

Իգոր Նիկոլաևը ծանր վիճակում շտապ հոսպիտալացվել է




Սրտի հետ կապված խնդիրների պատճառով ՌԴ էստրադայի հայտնի երգիչ և կոմպոզիտոր Իգոր Նիկոլաևը Մոսկվայում շտապ հոսպիտալացվել է:

Այս մասին հայտնում է Mash ալիքը։

63-ամյա կոմպոզիտորը գտնվում է վերակենդանացման բաժանմունքում, բժիշկները նրա վիճակը գնահատում են ծանր։ Ենթադրաբար, անհրաժեշտ է նոր վիրահատություն։ Այժմ կոմպոզիտորը զանգերին չի պատասխանում և մեկնաբանություն չի տալիս։

Աստղի վիճակի մասին այլ մանրամասներ չկան։

Հիշեցնենք, որ հունվարին Իգոր Նիկոլաևը սրտի կաթված էր ստացել։ Նրան երկու ստենտ են տեղադրել, կայունացրել վիճակը և դուրս գրել լավացումով:

Այնուամենայնիվ, այն ժամանակ Ռուսաստանի ժողովրդական արտիստի կինը՝ Յուլիա Պրոսկուրյակովան, կտրուկ էր արձագանքել այն լուրերին, որ ամուսինը գտնվում է վերակենդանացման բաժանմունքում՝ նշելով, որ ծանր վիճակի մասին մամուլում տեղեկությունները որոշ չափով չափազանցված են։