Հայտնիների շնորհավորանքները՝ Իվետա Մուկուչյանի 37-ամյակին - Home - EXCLUSIVElife.am: Armenian Celebrities, Events, Fashion, Presentations & Photoshoot

Լրահոս

Հայտնիների շնորհավորանքները՝ Իվետա Մուկուչյանի 37-ամյակին



Հայկական շոուբիզնեսի ամենաոճային ու գրավիչ արտիստներից մեկը՝ Իվետա Մուկուչյանը, երեկ՝ հոկտեմբերի 14-ին, նշել է ծննդյան 37-ամյակը։ Գերմանաբնակ երգչուհին բազում շնորհավորանքներ է ստացել ինչպես հետեւորդների, երկրպագուների եւ ընկերների, այնպես էլ հայկական շոուբիզնեսի հայտնիների կողմից։


Երգչուհու թիմի անդամներն անակնկալ էին պատրաստել նրան՝ աստղային գործընկերների շնորհավորանքները համատեղելով մեկ հոլովակի մեջ։ Արտիստին շնորհավորել են հայկական շոուբիզնեսի ամենավառ ներկայացուցիչներից շատերը, այդ թվում՝ Նիկ Էգիբյանը, Վիկա Մարտիրոսյանը, Արմենչիկը, Գոռ Կիրակոսյանը, Լուիզա Ներսիսյանը, Սոնա Ռուբենյանը, Գարիկ Պապոյանը, Հրաչ Մուրադյանը, Ավետ Բարսեղյանը, Արսեն Գրիգորյանը, Սպիտակցի Հայկոն, Ռաֆայել Երանոսյանը, Արկադի Դումիկյանը, Գրիշա Աղախանյանը եւ այլք։

Իվետան հոլովակը տեղադրել է իր ինստագրամյան էջում ու շնորհակալություն հայտնել ընկերներին ջերմության համար։

«Տարեդարձիս լավագույն նվերն էր։ Այնքան ուրախ եմ, որ շրջապատված եմ նման մարդկանցով»,-գրել է երգչուհին։