«Բացի բացառիկ հայ լինելը, հայրս բացառիկ հայր է». Գագիկ Գինոսյանի դստեր գրառումը՝ հոր մասին - Home - EXCLUSIVElife.am: Armenian Celebrities, Events, Fashion, Presentations & Photoshoot

Լրահոս

«Բացի բացառիկ հայ լինելը, հայրս բացառիկ հայր է». Գագիկ Գինոսյանի դստեր գրառումը՝ հոր մասին




Ինչպես արդեն հայտնել ենք փետրվարի 6-ին մահացել է «Կարին» ավանդական երգի-պարի խմբի հիմնադիր և գեղարվեստական ղեկավար, Հայաստանի մշակույթի վաստակավոր գործիչ և Արցախյան պատերազմի մասնակից Գագիկ Գինոսյանը։

Ֆեյսբուքյան էջում հրապարակում է արել Գագիկ Գինոսյանի դուստրը՝ Ծովինար Գինոսյանը:
«Ես կյանքում երբևէ չհեգնեցի ոչ մեկին, քանզի հեգնանքը իմ տեսակը չէ։ Բայց և այնպես կուզեի կյանքում մի անգամ հեգնել և միայն, երբ մահը կնայի աչքերիս մեջ: Հեգնել մահը... այդպես կարելի է գոնե չպարտվել մահվանը։ Հեգնել, անգիտանալ մահը. այդպես է ծնվում անմահությունը։
Գագիկ Գինոսյան:

Հ.Գ. Բացի բացառիկ հայ լինելը, հայրս բացառիկ հայր է, թիկունք, որի մասին միայն երազել կարելի էր։
Անչափ մեծ սիրով ու կարոտով, արցունքներս խեղդելով ուզում եմ խոստանալ, որ ամեն բան կանենք, որ իր արածը կիսատ չմնա շարունակվի ու անմահանա։ Չնայած, որ երկար չապրեց, բայց ապրեց խիտ ու բոլորի համար չափազանց կարևոր կյանք»,- գրել է նա: