Արթուր Ալեքասանյանը՝ Եվրոպայի յոթակի չեմպիոն - Home - EXCLUSIVElife.am: Armenian Celebrities, Events, Fashion, Presentations & Photoshoot

Լրահոս

Արթուր Ալեքասանյանը՝ Եվրոպայի յոթակի չեմպիոն




Հունահռոմեական ոճի ըմբիշ, աշխարհի, Եվրոպայի և Օլիմպիական խաղերի չեմպիոն Արթուր Ալեքսանյանը կարիերայում 7-րդ անգամ հռչակվել է Հին աշխարհամասի չեմպիոն՝ Բուխարեստում ընթացող ԵԱ-ի եզրափակչում 6:3 հաշվով առավելության հասնելով ռուսաստանցի Մագոմեդ Մուրտազալիևի նկատմամբ։

Ալեքսանյանը եզրափակիչ էր դուրս եկել՝ կիսաեզրափակչում 5:1 հաշվով առավելության հասնելով բելառուս Աբուբակար Խասլախանավի նկատմամբ։ Ալեքսանյանը պայքարը սկսել էր 1/8 եզրափակչից, որտեղ 9:1 հաշվով ժամանակից շուտ հաղթել է թուրք Բեյտուլա Կաիսդագինին, իսկ քառորդ եզրափակչում մեր ըմբիշը 8:3 հաշվով առավելության է հասել Նիդերլանդների ներկայացուցիչ Թայրոն Շտենկերբուրգի նկատմամբ:

Հայաստանի մյուս ներկայացուցիչ, Փարիզի 2024 թվականի Օլիմպիական խաղերի ուղեգիր նվաճած Սլավիկ Գալստյանը Բուխարեստում ընթացող Եվրոպայի առաջնությունում գոտեմարտել է բրոնզե մեդալի համար, սակայն 4։5 հաշվով ցավալի պարտություն է կրել Թուրքիայի ներկայացուցիչ Մուրատ Ֆիրատից։

Հիշեցնենք՝ Գալստյանը սփոփիչ գոտեմարտում 6։2 հաշվով հաղթանակ էր տարել Ֆինլանդիայի ներկայացուցիչ Նեստորի Կալե Միկայել Մանիլայի նկատմամբ։

Հիշեցնենք՝ ավելի վաղ Հայաստանի հավաքականի անդամ Մալխաս Ամոյանը կարիերայում երրորդ անգամ դարձել էր Եվրոպայի չեմպիոն՝ եզրափակչում 7-0 հաշվով վստահ առավելության հասնելով աշխարհի բրոնզե մեդալակիր, Եվրոպայի կրկնակի փոխչեմպիոն, թուրք Յունուս Բասարի նկատմամբ, իսկ Հայաստանի հավաքականի կազմում ԵԱ-ի առաջին մեդալը նվաճել էր 55 կգ քաշային Մանվել Խաչատրյանը, որն առաջին անգամ էր մասնակցում մեծահասակների Եվրոպայի առաջնությանը։ Բրոնզե մեդալի համար գոտեմարտում Խաչատրյանը մրցել էր բուլղարացի Ստեֆան Հրիստով Գրիգորովի հետ և ժամանակից շուտ 8:0 հաշվով հաղթանակ տարել։