PrePartyES. «Լադանիվա»-ն մասնակցել է «Եվրատեսիլ 2024»-ի առաջին խոշոր նախաեվրատեսիլյան միջոցառմանը - Home - EXCLUSIVElife.am: Armenian Celebrities, Events, Fashion, Presentations & Photoshoot

Լրահոս

PrePartyES. «Լադանիվա»-ն մասնակցել է «Եվրատեսիլ 2024»-ի առաջին խոշոր նախաեվրատեսիլյան միջոցառմանը




Մադրիդում անցկացվել է «Եվրատեսիլ 2024» երգի մրցույթի առաջին խոշոր նախաեվրատեսիլյան միջոցառումը՝ իսպանական PreParty-ն։

Մարտի 28-30-ը մոտ 30 եվրատեսիլյան արտիստներ մասնակցել են միջոցառման կարմիր գորգի արարողությանն ու ելույթ ունեցել իրենց եվրատեսիլյան երգերով: Տարբեր երկրների մասնակիցները կարմիր գորգին ներկայացել են հատուկ հանդերձանքներով, հարցազրույցներ տվել, և հանդես եկել կենդանի կատարումներով։

Մադրիդում տեղի ունեցած միջոցառմանը մասնակցել է նաև Հայաստանի այս տարվա պատվիրակը։ «Լադանիվա»-ն արժանացել է ջերմագույն ընդունելության, հարցազրույցներ տվել «Եվրատեսիլ»-ով հետաքրքրված մեդիաներին, իսկ արդեն ելույթի ժամանակ Մադրիդի ամբողջ դահլիճը պարել է «Ժակո»-ի ներքո և ձայնակցել Ժակլինին։

«Լադանիվա»-ի ինստագրամյան պաշտոնական էջում անդրադառնալով իրենց ելույթին՝ խմբի անդամները գրել են. «Մենք անչափ շնորհակալ ենք յուրաքանչյուրիդ ձեր էներգիայի համար: Շնորհակալություն «Ժակո»-ի հանդեպ այն ամբողջ սիրո համար, որ կիսեցիք մեզ հետ»։

Նախաեվրատեսիլյան այլ միջոցառումներ պլանավորվում են նաև Բարսելոնայում, Լոնդոնում, Ամստերադամում և այլ քաղաքներում։ «Լադանիվա»-ն այս միջոցառումներին չի մասնակցելու, քանի որ խումբը մեկնում է շրջագայության՝ Միացյալ Նահանգներ և Կանադա։