«Դու շուն ես, հայրենասեր չես, որովհետև հայրենասերից մինչև շուն մի քայլ է»․ Հովհաննես Դավթյանը՝ իր ներկայացման ժամանակ ակցիա իրականացրած երիտասարդին - Home - EXCLUSIVElife.am: Armenian Celebrities, Events, Fashion, Presentations & Photoshoot

Լրահոս

«Դու շուն ես, հայրենասեր չես, որովհետև հայրենասերից մինչև շուն մի քայլ է»․ Հովհաննես Դավթյանը՝ իր ներկայացման ժամանակ ակցիա իրականացրած երիտասարդին




Հումորիստ, երգիծաբան Հովհաննես Դավթյանն ֆեյսբուքյան ուղիղ եթերում անդրադարձել է իր վերջին ներկայացման ժամանակ ակցիայի միջադեպին, երբ երիտասարդը բեմ էր բարձրացել և ցուցապաստառ պահել, որտեղ գրված էր «Դավաճանը հանձնում է Հայաստանը»։

Դավթյանը նշել է, որ «այդ սոպլյակները ոչ թե ինքնաբուխ ակցիա են արել, ոչ թե հայրենասեր են, այլ վճարվել են»:

«Ինչի՞ց եմ ես դա ենթադրում, օդից չեմ խոսում։ Ինձ ասացին, որ երբ արդեն շենքից դուրս են եկել, մուտքի մոտ իրենց սպասում էին երկու փաստաբան, ևս երկուսն էլ՝ քաղմասում: Դա մեզ ի՞նչ է հուշում, որ այս տղան ոչ թե տղա էր, այլ շուն։ Հետևաբար, դու շուն ես, եղբա՛յր, դու հայրենասեր չես, որովհետև հայրենասերից մինչև շուն լինելը մի քայլ է»,- ասաց նա, ապա հավելեց, որ ակցիան կարող էին իրականացնել ներկայացման վերջում ու չխանգարեին իրեն։


Հումորիստի խոսքով՝ ինքը քաղաքականությամբ չի զբաղվում և իրեն վրդովվեցրել է, որ որոշ լրատվամիջոցներ ու օգտատերեր այդ ակցիան վերագրել են իրեն։

«Դուք չեք պատկերացնո՞ւմ, որ կարող է լինել մարդ, որը քաղաքականացված չէ, որ դուք կեղտոտ եք, չեք մտածում, որ կարող է մաքուր մարդ լինել», - նշեց նա՝ շեշտելով, որ ծանոթ չէ որևէ քաղաքական գործչի։